Brandbestrydingspanne spook al ure lank om ’n brand te blus wat Maandag vroegoggend in ’n pakhuis in Parow, Kaapstad, uitgebreek het.
Lede van die brand-en-reddingsdienste in Kaapstad is omstreeks 05:25 na die pakhuis op die hoek van Fritz Spilhaus-rylaan en Jean Simon-straat in Parow-Oos ontbied.
Volgens Jermaine Carelse, woordvoerder van die brand-en-reddingsdienste in Kaapstad, het lede by hul aankoms op die toneel die brandende pakhuis bevestig dat die dak weens die brand reeds ineengestort het.
“Altesaam 40 brandbestryders is tans op die toneel om die brand te blus en om aangrensende strukture teen die brand te beskerm,” bevestig Carelse.
“Geen beserings is tot dusver aangemeld nie. “
Die oorsaak van die brand is in hierdie stadium nie bekend nie.
Wonder oor die oorsaak
Wat word daar gestoor?
Alles brand skielik af! Laat mens wonder
Ek het nou nie ‘n graad in joernalistiek nie maar ek sou genoem het:
1. wat word daar gestoor
2. wat die toeskouers onder mekaar spekuleer
Hoef glad nie te wonder wat die oorsaak van die brand is nie.