Christopher Panayiotou in die Port Elizabeth-landdroshof. Foto: Twitter
Panayiotou (28) is verlede week in die Port Elizabeth-landdroshof borgtog geweier. Hy sal Vrydag saam met sy medebeskuldigdes, Luthando Siyoli (31) en Sizwezakhe Vumazonke (30), in die hof verskyn.
Die drie mans word van moord, sameswering tot moord, moord met verswarende omstandighede, ontvoering en regsverydeling aangekla.
Panayiotou het Siyoli glo betaal om die huurmoord op sy vrou te reël. Siyoli het as uitsmyter gewerk by ʼn nagklub wat Panayiotou besit. Siyoli het glo vir Vumazonke genader om die moord te pleeg. Panayiotou het na bewering R70 000 vir die moord betaal, waarvan Vumazonke R40 000 ontvang het en Siyoli R30 000.
Jayde (29) is op 21 April buite haar huis in Kabegapark, Port Elizabeth, ontvoer terwyl sy op ʼn saamrygeleentheid na Riebeeck College, waar sy ʼn onderwyseres was, gewag het. Haar liggaam is die volgende dag buite die Kwanobuhle informele nedersetting in Uitenhage gevind.
Klik hier vir alle vorige berigte oor die Jayde Panayiotou-saak op Maroela Media.
Hy is so gereeld in die nuus dat ek al sy van kan spel . . .
Hoe lekker lag ek nou!!!!! Dankie vir daai een…. Ou Kristoffel pannekoek is hoe ek hom onthou
Hulle moet hom laat sit en suffer. Kan nie glo mense is so gemeen nie.
i.c daar is wrede, gewetenlose mense daar buite. En baie keer klim hulle langs jou in die bed!!!!En dit is hoekom die doodstraf behoue moes gebly het.