‘Panayiotou het R70 000 betaal om Jayde te laat vermoor’

Christopher Panayiotou in die Port Elizabeth-landdroshof. Foto: Twitter

Christopher Panayiotou in die Port Elizabeth-landdroshof. Foto: Twitter

Christopher Panayiotou (28) het glo R70 000 betaal om sy vrou, Jayde, te laat vermoor, het die Port Elizabeth-landdroshof Donderdag gehoor.

Dié bewerings het aan die lig gekom toe die staatsaanklaer, Marius Stander, die eerste verklaring van Kanna Swanepoel, ʼn ondersoekbeampte in die saak, gelees het. Die staat beweer Jayde (29) se huurmoord het Panayiotou R70 000 uit die sak gejaag, met R40 000 wat aan die skieter betaal is en R30 000 aan die middelman. Volgens die staat was Panayiotou die meesterbrein agter sy vrou se moord.

Swanepoel het in sy verklaring gesê Panayiotou se pa, Costa, het Jayde as sy eie dogter gesien en was baie lief vir haar. Costa was glo bewus van die buite-egtelike verhouding wat Christopher al die afgelope drie jaar met een van sy werknemers gehad het. Hy het glo aan sy seun gesê om die verhouding te beëindig en gesê hy sal nie enigiets erf as hy daarmee voortgaan nie.

Die staat het verder gesê Jayde se ontvoering en moord was veronderstel om soos ʼn rooftog te lyk en was voorafgegaan deur talle mislukte pogings. Jayde is aangerand en in ʼn motor se kattebak gegooi. Sy is twee keer in die rug en een keer in die kop geskiet.

Stander het ook transkripsies van bandopnames voorgelees van gesprekke wat tussen Panayiotou en sy medebeskuldigde, Luthando Siyoli (31), plaasgevind het. In een van die opnames vra Panayiotou vir Siyoli of die polisie iets oor hom gevra het.

Vlugrisiko

Volgens Stander is Panayiotou ʼn vlugrisiko wanneer daar na die erns van die saak gekyk word. Indien hy skuldig bevind word, sal hy lewenslange tronkstraf kry, wat bydra tot die waarskynlikheid dat hy sal vlug. Stander het verder genoem Panayiotou se familie besit eiendom in Ciprus en hy het ʼn Ciprus-paspoort.

Volgens die staat is Panayiotou ook in die skuld gedompel wat uitstaande paaiemente op sy voertuig, R2,2 miljoen vir ’n eiendom in Lovemore Heights en meer as R500 000 op sy huis in Stellen Glen insluit.

Die staat glo Panayiotou is verder in skuld gedwing om Jayde sowel as sy minnares gelukkig te hou en dit is hoekom hy besluit het om sy vrou te laat doodmaak.

Panayiotou is in hegtenis geneem enkele dae nadat Siyoli, ʼn uitsmyter by ʼn nagklub wat deur Panayiotou besit word, deur die polisie aangekeer is. ʼn Derde verdagte, Sizwezakhe Vumazonke (30), is later in hegtenis geneem. Al drie beskuldigdes is aangekla van moord, ontvoering, roof met verswarende omstandighede en sameswering tot moord.

Lees alle vorige berigte oor die saak op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Christine

Geen genade vir jou Mnr moordenaar, sluit hom toe en gooi sleutel weg!!! So n ou moes nou di doodstraf kon kry!!! Vieslike gemors!!!

anel van rensburg

lewenslank in die tronk!! doodstraf is te “sag” vir so iemand…. Hy moet sit en NOOIT in aanmerking kom vir parool!

Afrikaner Hart

Hy is n hond,en ek beskou hom as de grootste Vark tessun sy makkers, regte Mafia tipe mannetjie,as ek hom so kyk!!!

Fransie

Anders as met Oscar, was hierdie ‘n lank BEPLANDE daad. Geen bail nie asb. Innige simpatie met sy arme ouers en suster, ook met Jayde se familie.

CJAN

Sluit hom toe en gooi die sleutel in die See ASB!!!