Pandor sê departement ondersoek Zindzi Mandela-twiets

Zindzi Mandela (Foto: Twitter)

Die minister van internasionale betrekkinge, Naledi Pandor, sê haar departement sal die twiets wat Zindzi Mandela, Suid-Afrika se ambassadeur in Denemarke, die afgelope naweek gemaak het, ondersoek.

Mandela het haar onder meer uitgelaat oor grondhervorming en na wit mense verwys as lafaards en “stelende verkragter-afstammelinge” van Jan van Riebeeck.

Pandor het aan eNCA gesê die departement het ʼn sosialemediabeleid waaraan alle ambassadeurs moet voldoen.

Sy sê haar departement is besig om die egtheid van die twiets te ondersoek, asook om vas te stel wat daartoe gelei het.

“Ons het ʼn sosialemediabeleid as departement en dit is absoluut noodsaaklik dat alle diplomate daaraan voldoen. Wanneer ons dus vasgestel het of dit ʼn twiet van haar (Mandela) is, of dan wél haar opmerkings was, kan ons vasstel of die opmerkings in ooreenstemming met die sosialemediabeleid is,” het Pandor aan eNCA gesê.

Die EFF het Dinsdag in ʼn verklaring gesê hy steun Mandela se uitlatings oor wit mense.

“Sy het korrek getwiet oor die behoefte vir swart mense om hul grond terug te kry van die wit gronddiewe en rassiste,” het Mbuyiseni Ndlozi, woordvoerder van die EFF, gesê.

Die burgerregte-organisasie AfriForum het ʼn versoek aan Pandor gerig om Mandela, dogter van oudpres. Nelson Mandela, terug te roep na Suid-Afrika en haar af te dank.

Ndlozi het AfriForum se versoek as rassisties afgemaak en gesê die organisasie probeer ʼn regmatige kreet onderdruk.

“Geen Afrika-kind moet ooit onderdruk of selfs gedreig word dat hulle hul werk sal verloor omdat hulle die waarheid praat oor grond nie. Die grondkwessie moet opgelos word vir ʼn ware dekolonisasie van die land om plaas te vind.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
T-mam

VF+ kla die EFF ook aan vir hulle rasistiese ondersteuning van die twiet.

Anoniem

EFF grootste rassiste bla,bla,bla

Hettie

Moet asb nie die publiek se intelligensie onderskat en met die ” haar rekening was gekaap ” storie vorendag kom nie

Nel

Die rassistiese twiets is deur haar die wêreld ingestuur vir almal om te lees – so wat moet ondersoek word?

Andreas

Me Pandor, hierdie uitspraak van Zindzi Mandela, is hoe hordes, hordes en hordes van hulle, die BLF, die EFF en nog ‘n menigte ander teenoor blankes voel. Dit is die saadjie wat nou besig is om te ontkiem en tot uitbarsting kom, van daardie disinformasie wat hulle gevoer is, in effek word hulle nog elke dag daarmee gevoer, so vir haar was die twiet reg. Dis die ingesteldheid van die mense wat aangespreek moet word, beginnende by die mense wat daardie saadjies plant. En waar is dit waar mens moet begin? By die ingesteldheid van mense soos hoofregter Mogoeng wat… Lees meer »