Suid-Afrika het Saterdag ʼn tweede goue medalje by die Paralimpiese Spele in Rio de Janeiro, Brasilië, verower.
Hilton Langenhoven het met 7.07 m uitgeblink in die T12-verspring en ʼn gouemedalje verseker. Dit is 2 cm beter as Kamil Aliyev van Azerbaijan (7.05 m). Doniyor Saliev van Uzbekistan moes met ʼn bronsmedalje tevrede wees vir sy 7.04 m.
Dit is Langenhoven se vierde Paralimpiese gouemedalje tydens sy loopbaan (hy het drie gouemedaljes in 2008 in Beijing ontvang) en sy eerste in agt jaar. Hy neem deel in die F12-kategorie vir atlete met siggestremdheid.
Maroela Media het vroeër berig Kevin Paul het die 100 m-borsslag gewen en ʼn gouemedalje ingepalm.
Well done Hilton dit wil gedoen wees dis lkr om te sien da mense wat ongeag hulle sutuasies die lewe voluit leef . Mag die Vader jou ryklik seen en weet jys n hero !!
Sekondeer…!
Hilton jou ou yster. Knap gedaan.
Ongelooflik, koelkop met die Brazil skare agter hom! Het saam met jou oor daai 400 gehuil, jy was beslis die gunsteling om dit te wen! Vlg keer kry jy hom ook!
Julle wikkel omtrent ouens! Baie geluk!Trots op elke liewe deelnemer!