Paramedici vind lyk in veld

riet_veld_gras_stiltetyd_pixabay.jpg

Foto: pixabay.com

Paramedici het Donderdagmiddag op pad na ʼn noodgeval op ʼn man se liggaam in ʼn veld in Milnerton in Kaapstad afgekom.

Russel Meiring, woordvoerder van ER24, het gesê die paramedici was in Bosmansdamweg op pad na ʼn ander noodgeval toe lede van die gemeenskap hul aandag getrek het. Die omstanders het die paramedici die veld in gelei waar ʼn man se liggaam teen ʼn muur gelê het.

Volgens Meiring was die man vermoedelik in sy 50’s en het dit gelyk asof hy al ’n geruime tyd oorlede is.

“Die besonderhede rondom die voorval is nie bekend nie, maar die polisie sal die man se dood ondersoek,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.