Parate boer spring aanval vry; een vas

plaashek-pexels

Foto: Pexels

ʼn Parate boer van Heidelberg in die Wes-Kaap het dié naweek ʼn aanval op sy plaas vrygespring toe hy wakker geskrik het terwyl twee verdagtes besig was om toegang tot sy huis te verkry.

Kapt. Malcolm Pojie, woordvoerder van die polisie, sê die voorval het Sondagaand omstreeks 22:45 op die plaas Melkboom in die Heidelberg-omgewing plaasgevind.

Pojie sê ʼn voorlopige ondersoek het vasgestel dat minstens twee verdagtes gedwonge toegang tot die huis probeer verkry het kort nadat die boer en sy gesin ná ʼn wegbreek teruggekeer het plaas toe.

“Die verdagtes het eers deur middel van die deur by die solder toegang tot die perseel verkry, maar kon daarna nie toegang tot die hoofhuis verkry nie,” sê hy.

“Die verdagtes het daarna ʼn venster aan die kant van die huis gebreek, maar is ingewag deur die boer wat intussentyd wakker geword het. Hulle het onmiddellik te voet gevlug en niks gesteel nie en niemand is in die voorval beseer nie.”

Die polisie het onmiddellik gereageer en een van die verdagtes in ʼn veld naby aan die huis vasgetrek. Die verdagte is geïdentifiseer as ʼn hawelose man in sy 30’s wat bekend is aan talle Heidelberg-inwoners. Pojie sê die man sal later vandag in die landdroshof in Heidelberg verskyn. Die tweede verdagte is steeds op vrye voet.

Pojie sê die polisie ondersoek ʼn saak van huisroof. Hy sê die polisie beskou die voorval nié as ʼn plaasaanval nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
Johan

Wat!! nie n plaas aanval nie?? Dit was op n plaas, dus is dit ‘n Plaas aanval!! al is dit gefnuik.,

Penellope Jones

Lyk my dit word net as ‘n “plaasaanval” geag wanneer ‘n moord plaasgevind het . . .
Dankie tog dat hierdie boer paraat was en nog ‘n plaasmoord kon afweer!

Antie

Hulle beskou niks as ‘n plaasaanval nie, wat soek hulle in elk geval daar????

marous

Dit was ‘n aanval op ‘n plaas waar wit mense bly .

Miekie

O my goodness , gracious me. As die boer nie wakker geword het nie was hy en nog gesinslede in die huis nie meer met ons nie. Nou is die boer bietjie meer wakker as die boewe en dis nie ‘n plaasaanval of poging tot moord nie. Die polisie is baie snaaks