Park kry Kaart van Afrika-monument

Foto: SANParke

Die Kaart van Afrika-monument is in die Agulhas Nasionale Park in die Wes-Kaap bekend gestel.

Die departement van toerisme het gesê die simboliek van die kaart bring hulde aan die Afrika-kontinent en dat die monument met ’n omtrek van 30 m spog.

Blessing Manale, woordvoerder van dié departement, het gesê die monument is een van die inisiatiewe om besoekers aan die park se besoek te verbeter en om die plaaslike toerisme-ekonomie ʼn hupstoot te gee.

Die monument se ontwerp lê korrek volgens die kompas en sluit verskeie Afrika-landmerke in.

“Suid-Afrika se ryk biodiversiteit en natuurlike erfenis wat in ons nasionale parke gevind word, is belangrike toerisme-trekpleisters.

Foto: SANParke

Ons kan net hierdie wonderlike toerisme-aanbod verbeter deur dinge soos die ikoniese Kaart van Afrika-monument by te voeg om onvergeetlike ervarings aan ons besoekers te lewer en te verseker dat hulle terugkeer.”

Manale het gesê die finansiering vir die projek was R15 miljoen en dat werk aan 79 gemeenskapslede tydens die jaarlange konstruksie van die monument verskaf is en dat sewe klein ondernemings betrokke was.

Die projek het ook die konstruksie van ʼn een kilometer lange pad ingesluit, sowel as die herbelyning van die loopvlak en die rehabilitasie van die terrein.

 

Foto: SANParke

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Frans

Van Waar Gehasie
Die Monument is al lankal daar en word nou eers onthul?
As dit R15 miljoen gekos het om te financier, is die moontlikheid nie uitgesluit dat bedrog hier ter sprake was nie, die prys is net te veel om te glo
Dit laat mens wonder waar is staatskaping betrokke

Slim Jan

Onvolledig!!
Madagaskar en die eiland is deel van Afrika.
Selfgesentreede afbeelding van afrikanisme.
Passop dat daar nie politieke klank hier is nie.

Esther

Op die oigaf kyk dit vir my soos n witolifant. Regverdig die kostes die verandering inmening met die omgewing. Die monument se betekenis is baie maar eintlik mik. Of is nou pesimisties?

marous

Ja , en elke toeris kry ‘n leunverklikker verniet wat begin skreeu as jy naby die ding verby loop

Scruffie

Biinne n jaar is die monument die land oor (weg gedra)