Parlement debatteer oor regstellende aksie

Die VF Plus het tydens ʼn sitting van die nasionale raad van provinsies ʼn mosie ingedien om debat te voer oor die regering se beleid van regstellende aksie (RA) en swart ekonomiese bemagtigingsbeleid (SEB).

Armand Cloete, VF Plus LP, sê oor dié saak sal waarskynlik binne die volgende ses maande in die parlement gedebatteer word.

“Die sogenaamde uitstroming (brain drain) van kundiges wat Suid-Afrika verlaat, is besig om die ekonomie lam te lê. Die krisis by Eskom en munisipaliteite is die direkte gevolg van onbevoegde amptenary wat op grond van rasgegronde beleid aangestel is,” sê Cloete.

Dit word bevestig deur uitsprake die afgelope week deur Capitec se hoof- uitvoerende beampte, Gerrie Fourie, dat SEB net ʼn sekere elite bevoordeel.

“Swart ekonomiese bemagtiging en regstellende aksie lei nie tot ʼn inklusiewe ekonomie nie. Dit is belangrik dat alle Suid-Afrikaners gelyke geleenthede kry. Daarom vra die VF Plus nog altyd dat wetgewing rakende swart ekonomiese bemagtiging afgeskaf word,” sê Cloete.

“Die VF Plus sal aanhou terugslaan teen die rasgegronde wetgewing van die ANC wat die land se ekonomie enorme skade berokken.”

Die MRK het in ʼn gelykheidsverslag bevind dat die Suid-Afrikaanse program van regstellende aksie nie aan die Grondwet en internasionale reg voldoen nie. Die verslag het ook aanbeveel dat die regering die Wet op Gelyke Indiensneming moet verander. Solidariteit het die arbeidshof gevra om die regering te dwing om te voldoen aan die aanbevelings nadat die regering versuim het om dit te doen. Dié hof het egter bevind dat die verslag nie as bindend beskou kan word nie en Solidariteit oorweeg dit nou om die saak voor die Konstitusionele Hof te bring.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

19 Kommentare

Rinkhals ·

Met ee, bbbee, en kwotas in sport moet die wet 52 m teen 5 m beskerm. Wonder hoekom ?

Manie van Worcester ·

ek reken almal weet hoekom maar as jy waag om dit uit te spreek gaan jy tronk toe

Manie van Worcester ·

tog moet jy onthou die kwota koeke ( blomme of bokke wat nie meer mag bokke wees) het die beker gewen wat die land verenig het as een, die eenheid sal nooit gebreek word nie☺☺☺

my opinie ·

hier kom ‘n ding! dit sal NOOIT gebeur nie wie gaan hulle dan blameer vir alles

Piet parys ·

En dan het statistieke nou met n verslag vorendag gekom dat niks verander het van 94 af nie . As jy by retail winkels instap ky k of jy enigsins witmense sien en as daar is hoeveel . Weer n liegspul

peet harmse ·

Want Capitec is n besigheid wat reels moet nakom ten spyte van eie logika. Soos besighede wat maar die Etol betaal want hulle wil of kan nie betrokke raak teen n koppige regeringsbeleid nie. Besighede kan anders as ons gewone plebs die kostes verhaal op wettige wyses

Eliz ·

Ek is bly ek het nie die VF se werk nie. Ek voer eerder n debat met n muur. Daars n beter kans dat die muur sal luister na rede.

JohanR ·

As RA en SEB uitgeskakel word, sal ons sien hoe vinnig gaan SA vooruit. Ja Eliz…..maar hoe redenier jy met ‘n muur?

Lizzy ·

Dis waarvoor ek gestem het! Dankie VF. Stadig maar seker sal ons weer opstaan. Aanhouer wen!

Markus ·

Vir al die DA aanhangers hier is n voorbeeld van wat n politieke party is en moet doen vir sy kieser,seker maak hy dra sy kiesers se belange op die hart .

AB ·

Wetgewing wat teen blankes diskrimeneer sal NOOIT gestaak word nie. Die wetgewing kom van die ‘puppet masters’ af uit ‘Londen Square’ in Engeland! Ons regering is net die ‘puppets’ wat die opdragte uitvoer!

Sirkuspraatjies ·

…is al waarde wat mens uit ‘n ‘debat’ in ‘n sirkus sal kry. Tydmors. Die uitkoms ‘n ronde nul.

Gert van Wierdapark ·

BEE – Black Economic Enrichment van n klomp uitgesoekte Kaders wat die Soustrein holrug ry!

PJC ·

Verstommend hoe ons howe deesdae die ideologie kies bo die grondwet. Dit is nou wat ń mens transformasie noem en dit is besig om heeltemal die land oor die afgrond te sleep.

D vd Merwe ·

Kan die ANC, EFF en DA lakeie dalk ‘n week bosse toe gaan en dit uitredeneer wanneer sal RA en BBBEE tot einde kom – hierdie eeu of volgende eeu.??

Profeet Vlakvark ·

En hoe behoort die Suid-Afrikaanse “nasie” die Draak van Ekonomiese Wêreldkompeteerbaarheid te beveg?

Intussen ontplof die bevolkingsaanwas en neem werkloosheid, armoede, kriminaliteit en sosiale onrus by die dag toe. Kan die “nasie” dan nie insien dat die “nasie” ekonomies wêreldkompeteerbaar moet word om ‘n ramp te voorkom nie?

Rugby en sokker wêreldbekers gaan die Draak van Ekonomiese Wêreldkompeteerbaarheid nie afskrik nie. Hy gaan die “nasie” toenemend pynig.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.