Parlement kan herroep word vir mosie teen Zuma

Die Speaker van die Nasionale Vergadering, Baleka Mbete. Foto: Daily Maverick

Baleka Mbete, die speaker van die parlement, het Sondag gesê sy sal onmiddellik opposisiepartye se versoek vir ʼn dringende debat oor ʼn mosie van wantroue teen pres. Jacob Zuma oorweeg.

Die mosie van wantroue kom te midde van skerp kritiek vanuit alle oorde van die politieke spektrum teen Zuma se middernagtelike kabinetskommeling Donderdagaand en in die vroeë oggendure Vrydag. Pravin Gordhan, minister van finansies, en sy adjunk, Mcebisi Jonas, is onder meer tydens die kabinetskommeling uit hul poste verwyder.

Mbete het Sondag op die OR Tambo-lughawe in Johannesburg met verslaggewers gepraat nadat sy teruggekeer het van ʼn reis na Bangladesj vir ’n vergadering van die Internasionale Parlementêre Unie. Sy het die besoek kortgeknip nadat sy Donderdag ʼn versoek van Mmusi Maimane, die DA-leier, ontvang het waarin hy versoek dat ʼn debat oor ʼn mosie van wantroue teen Zuma geskeduleer word.

Die brief het aangedui dat die debat geskeduleer moet word vir Mei wanneer die parlement weer byeenkom. Mbete het later dieselfde dag ʼn soortgelyke versoek van Julius Malema, die EFF se leier, ontvang. Hierdie brief het versoek dat die parlement, wat tans in reses is, herroep word vir ʼn spesiale sitting om oor die mosie te debatteer en daaroor te stem.

Mbete het gesê sy het Vrydag nog ʼn brief van die DA ontvang waarin die party ook versoek dat die parlement herroep word vir ʼn spesiale sitting.

Sy het gesê die versoeke sal nou nagegaan word om vas te stel of dit voldoen aan die relevante reëls van die parlement. Daarna moet Mbete met die hoofsweep van die meerderheidsparty, tans Jackson Mthembu, en die leier van regeringsake, adjunkpres. Cyril Ramaphosa, vergader. Laastens kan die mosie geskeduleer word binne ʼn redelike tydperk gegewe die program van die nasionale vergadering.

Mbete het gesê in terme van die grondwet moet ʼn versoek vir ʼn mosie van hierdie omvang as ’n prioriteitsaak gehanteer en geskeduleer word. “Ek sal daarom vandag [Sondag] begin met die proses van raadpleging oor die versoeke wat gebring is. Ek voorsien dat die raadpleging so gou as moontlik afgehandel sal word. Sodra dié proses afgehandel is, sal my kantoor aan al die betrokke partye skryf om hulle in te lig wat die uitslag is,” het sy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Johann

Sy spin en lieg deur haar tande. Waarom moet ons met sulke mense gestraf word? Dat sy dit waaragtag kan sê, maar so is dit en dan is hulle oortuig dat ander glo hulle.

Waaroor ek baie verbaas is, is dat my tuinhulp weet presies wat aangaan, ongelooflik hoe ingelig hulle deesdae is. Ek val op hy rug toe hy gister vir my beduie oor Zuma, die top ses, en wat hulle daarvan dink, dat Gordhan gefire is en die kabinet geskommel, so uit sy eie.

Johann

Hoeveel kat en muis speletjies wil hulle nog speel, kies ‘n nuwe president en kry klaar, daar word nou miljoene rande verkwis

Hendrik

Alles is net vir die show, daar gaan weer niks daar an kom nie.

Daan

Zuma het Suid Afrika verraai,ten gunste van sy en die Guptas se sakke.

Leendert

Ek sien N Dlamini-Zuma het hou ook op die verhoog begin klim, van haar laat hoor. Sy was tot dusver doodstil, maar nou het sy in die openbaar opgetree en beduie die ANC jeug gaan chaos saai as daar nie na vrouens en die jeug omgesien word nie. Kyk, dit was nou presidensieel om dit te sê. Sy het duidelik laat blyk dat sy in een of ander wedloop is, of dat sy ‘n belangrike persoon met ‘n boodskap is, dat mense na haar sal luister.