Parlement se top-amptenaar ná betaalde skorsing afgedank

Gengezi Mgidlana het eindelik die trekpas gekry. (Foto: ANA)

Die parlement het vanmiddag sy top-amptenaar, Gengezi Mgidlana, summier afgedank.

Mgidlana, sekretaris van die parlement, het om al die verkeerde redes geskiedenis gemaak: Dit is die eerste keer sedert die ontstaan van Suid-Afrikaanse parlementêre stelsels in 1910 dat ʼn sekretaris van die parlement die trekpas kry.

Die sekretaris van die parlement is vir alle praktiese doeleindes die parlement se hoofamptenaar.

Mgidlana is vanmiddag deur ʼn eenparige beslissing van alle partye in die Nasionale Vergadering en die Nasionale Raad van Provinsies afgedank nadat hy twee jaar lank op betaalde verlof was.

Gedurende 2016 en 2017 is ʼn verskeidenheid bewerings, insluitend bewerings van finansiële wangedrag, teen Mgidlana gemaak.

Op 25 Mei 2017 is die parlement se ouditkomitee versoek om dadelik die bewerings te ondersoek.

In Junie 2017 is Mgidlana op betaalde spesiale verlof geplaas sodat die ondersoek ongehinderd kon voortgaan en op 27 Oktober daardie jaar het die ouditkomitee aanbeveel dat dissiplinêre optrede teen hom oorweeg word.

Hy is in Februarie verlede jaar aangekla op 13 klagte van wangedrag, en op 30 Augustus vanjaar is uiteindelik bevind dat hy:

  • skuldig is aan ernstige wangedrag deurdat hy verkeerdelik ʼn ex gratia-betaling aan homself toegewys het, asook aan sommige ander werknemers van die parlement;
  • skuldig is daaraan dat hy sy eggenote wederregtelik saamgeneem het na sekere geleenthede op parlementêre onkoste;
  • skuldig is aan die wederregtelike gebruik van parlementêre vervoer vir hom, sy vrou en familielede;
  • skuldig is daaraan dat hy wederregtelik blou ligte en sirenes laat gebruik het wanneer hy so verkeerdelik parlementêre vervoer gebruik het;
  • skuldig is daaraan dat hy wederregtelik as voorsitter van tenderkomitees opgetree het;
  • skuldig is dat hy ʼn ondergekwalifiseerde persoon as inligtingsamptenaar by die parlement aangestel het, en
  • skuldig is aan die wederregtelike gebruik van die parlement se korporatiewe kredietkaart.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
P G Slabbert

Hierdie nar is die anc se krimineel , eers vir 2 jaar geskors om geld bymekaar te maak . Klink soos die kamtige regter . Teer op die belasting betalers .

Pieter

Lekker vir twee jaar by die huis gesit met volle selaris ons belasting geld jy en jou ANC regering maak n mens siek die hele lot van julle moet terug gaan skool toe en graad een klaar maak

Christa

Oor maand of twee word Hy weer in ander pos aangestel. Dis hoe die ANC operate

Basie

Mooi, nou kan AL die gelde gou gou teruggeëis word, want hy is mos skuldig…. of was dit weer deel van sy pleitooreenkoms dat hy skoon uitstap! Wat ‘n bloody joke!!

Swanna

Die ANC se hele parlementere koukus is almal skuldig aan al daardie selfde klagtes. Gaan doen mooi ondersoek en en dit sal so wees. Hy het iewers iemand se hare taai gemaak dit is hoekom hy afbetaal is en het hulle die middel vinger gewys.