Ronald Lamola, minister van justisie. (Foto: Phando Jikelo/ANA)
Groot pogings word aangewend om Suid-Afrika se paroolstelsel te verbeter te midde van groot woede oor kindermoorde in Wes-Kaap wat glo gepleeg is deur oortreders wat op parool vrygelaat is, het die minister van justisie, Ronald Lamola, Woensdag aan die parlement gesê.
Lamola het ʼn twee dag lange vergadering byeengeroep ná die moorde op die agtjarige Tazné van Wyk in Kaapstad, asook die verkragting en moord op die sewejarige Reagan Gertse in Tulbagh. In albei gevalle was die vermeende moordenaars op parool.
Volgens die minister integreer die meeste van diegene wat parool vrygelaat word vreedsaam terug in die samelewing, maar daar is gevalle waar hulle nie net weer misdaad pleeg terwyl hulle op parool is, maar selfs érger misdade pleeg.
“Daar is vrot appels wat gruwelike misdaad pleeg,” het hy aan LP’s gesê.
Hy het volgehou dat die paroolstelsel “gebrekkig, maar nie gebreek is” nie en het gesê die nodige verbeterings word aangebring sodat vorige misdaadrekords dadelik beskikbaar is wanneer ʼn verdagte se geskiedenis nagegaan word.
“Die skakeling tussen die stelsels is ʼn prioriteit vir die groepering en daar word werk van gemaak,” het hy gesê.
Volgens die departement van justisie gaan die vergadering paroolpraktyke in die Wes-Kaap oor die afgelope jaar hersien en bepaal of daar enige verbreking van bepalings in die proses, soos voorgeskryf deur die Wet op Korrektiewe Dienste, was.
Maroela Media het vroeër berig Jakobus Petoors (58) het Dinsdag in die landdroshof in Tulbagh verskyn in verband met die moord op Reagan. Die seuntjie se liggaam is Sondag tussen die bosse naby ʼn rivieroewer in die dorp gevind. Hy is na bewering verkrag voordat hy om die lewe gebring is. Petoors is familie van Reagan se pa en is in November verlede jaar op parool vrygelaat.
Moehydien Pangaker (54), die beweerde moordenaar van die agtjarige Tazné van Wyk wie se liggaam twee weke gelede gevind is, is óók vroeër op parool vrygelaat.
Hierdie minister gebruik die regte woorde maar moet dit as volg uiteensit – meeste is vreedsaam as hulle op parool vrygelaat word – ja right die meeste vreet saam en die ander kyk wat kan hulle volgende doen wat die vorige oortreding soos ‘n baba laat lyk.
As jy van moord, verkragting, roof, aangekla word, moet/ mag daar nie eens borg wees nie.
Die tronke sit met 50% meer gevangenis as wat hulle kan akkommodeer, hulle bou nie nuwe tronke nie so wat doen hulle ,laat hulle uit op vroeë parool…..niks wat hierdie anc regering doen werk of is opbouend nie.
As hulle nog tronke bou en al die stukkende staatshospitale herstel, sal hulle hordes mense van werk voorsien, maar nee hulle wil vlieg.
Die stelsel is totaal gebreek.
Ok….die ANC breek dan alles!
Vir ernstige en haatmisdade moet daar net bloot nie die moontlikheid van parool wees vir misdadigers nie. En as ‘n misdadiger uit is op parool vir ‘n eerste ootreding en hy/sy pleeg weer misdaad moet die opsie vir parool outomaties verwyder word – selfs al is die tweede oortreding nie ‘n ernstige misdaad nie.
Dit is te maklik vir gewoonte-misdadigers om op parool uit te kom en mense te terroriseer of leed aandoen.
Misdadigers het meer regte in hierdie land as wat wetsgehoorsame burgers het. Die misdadiger word beskerm met die menes regte. Maar wat van die slagoffers? Wens ons kon al die misdadigers op ‘n eiland gaan afgooi, sonder niks, nie eens die mootlikheid om daarvan af weg te kom nie. Dat hulle daar kan krepeer.
Anel, hierdie is ‘n land van misdadigers. Natuurlik sal hulle meer regte he as die wetsgehoorsames – of hoe ?
“Daar is vrot appels wat gruwelike misdaad pleeg,”
Die tronk verander mense – ons kan nie eers indink hoe dit daar binne gaan en wat als gebeur nie. Indien hulle mense op parool wil vrylaat gaan daar meer toetse(sielkundig en psigiatries) gedoen moet word met elkeen wat oorweeg word vir parool.
Ek reken, dis net my beskeie mening, Verkragters en moordernaars moet glad nie daglig sien nie. Hulle moet sit en vrot in die tronk
Ek is ongelukkig nie oortuig nie. Die misdadigers wat op parool vrygelaat word het ‘n lang geskiedenis van misdaad en sal nooit gerehabiliteer word nie. Feit is dis vir hulle “gerieflik” om eerder trunk toe te gaan want daar kry hulle ook “alles” verniet. Tronk is nie ‘n straf nie dit is in baie gevalle ‘n verbetering op baie misdadigers se huidige huislike omstandighede.
Maak nie saak wat jou oortreding was nie. Die straf wat jou opgelê is moet jy ten volle uitdien, dan kan daar nie bevooroordeeldheid wees nie. Moordenaars, molesteerders en witboordjie misdadigers moet NET die doodstraf kry, want hulle volle straf stel net die onvermydelike uit soos dit tans die geval is om byna deur die bank weer dieselfde oortreding te begaan.