Parys-boere: Aanklagte teen nóg boere teruggetrek

Tien van die elf verdagtes tydens 'n vorige verskyning in die hof. Foto: Landi Malan

Tien van die elf verdagtes tydens ‘n vorige verskyning in die hof. Foto: Landi Malan

Die 11 beskuldigdes in die opspraakwekkende Parys-moordsaak het Dinsdag in die plaaslike landdroshof verskyn waar aanklagte teen verskeie van die mans teruggetrek is.

Phaladi Shuping, woordvoerder van die Nasionale Vervolgingsgesag (NVG), het aan Maroela Media bevestig dat alle aanklagte teen Fanie Oosthuizen (42), Wian van der Westhuizen (20), Muller van der Westhuizen (19) en Wicus van der Westhuizen (19) teruggetrek is.

Volgens Shuping het die staat ook besluit om die saak teen Riaan Swart (18) van die sake teen die ander beskuldigdes te skei. Swart sal dus voortaan apart ingevolge die Kinderwet verhoor word aangesien hy minderjarig was toe die beweerde moorde plaasgevind het.

Boeta van der Westhuizen (46), Cor Loggenberg (18), Loedie van der Westhuizen (18), Miela Janse van Vuuren (22), kapt. Henk Prinsloo (46) en Anton Loggenberg (49) staan tereg op ‘n aanklag van moord in verband met die dood van Samuel Tjixa en Simon Jubeba.

Die staat het in April vanjaar ook ʼn klag van moord teen Johan Cilliers sr. en sy seun, Johan Cilliers jr., teruggetrek. In Junie is ʼn klag van intimidasie teen Boeta van der Westhuizen teruggetrek.

Die staat voer aan die verdagtes was betrokke by die moord op Tjixa en Jubeba, wat op 6 Januarie deur boere in die gebied op ʼn plaas aangekeer en glo só erg aangerand is dat hulle later in die hospitaal aan hul beserings beswyk het. Boere in die gebied het beweer Tjixa en Jubeba was deel van ʼn aanval op Loedie van der Westhuizen, Boeta se pa, se plaas, maar die oorledenes se familie het dit ontken en gesê Tjixa en Jubeba is tydens ʼn loongeskil deur die boere doodgeslaan.

Die ses verdagtes sal op 18 November weer in die hof verskyn. Swart se saak sal op 9 September in die Parys-landdroshof aangehoor word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Melanie

My vraag hoekom word loon geskil altyd in gebring want hulle weet dat aandag sal trek altyd onskuldig as dit loon geskil was.

m

Soooo bly vir hierdie boere.

Jakes

Onregmatige arrestasie..asb dagvaar NVG. Staat moet jul vergoed vir eis en dan weet ek my belastinggeld maak deel uit van eis, wel aangewend dan.

lorayne

Net Nog ‘n heksejag . . .

Rina Pretorius

wat vir my snaaks is hoe die 2 oorledenes die “loon geskil” met ‘n vuurwapen teen die boer se kop wou gaan uitklaar. hulle het gegaan om die oom skade aan te doen en het dus net hulle verdiende loon gekry. Te veel plaasmoorde gebeur en daar sal opgetree word teen die oortreders, finish en klaar.