Parys-boere: Gemoedere loop hoog by hof

Polisiebeamptes en inwoners buite die hof. Foto: Mariné Jacobs

Polisiebeamptes en inwoners buite die hof. Foto: Mariné Jacobs

Daar is Dinsdagoggend ‘n swaar polisieteenwoordigheid voor die Parys-landdroshof in die Vrystaat waar vier boere gaan verskyn in verband met die dood van twee plaasaanvalverdagtes.

Maroela Media het vroeër berig Boeta van der Westhuizen, Anton Loggenberg, Johan Cilliers sr. en sy seun, Johan Cilliers jr. is Donderdag in hegtenis geneem in verband met die dood van twee verdagtes wat ’n boer op sy plaas aangeval het.

ANC- en EFF-lede het in twee afsonderlike groepe voor die hof betoog en geëis dat die beskuldigdes nie borgtog toegestaan word nie. April Motaung, woordvoerder van die EFF, het aan Maroela Media gesê die vermeende plaasaanvallers was eintlik plaaswerkers wat bloot na die plaas gegaan het om hul salarisse te gaan haal.

“In plaas van om hulle te betaal, het die boere besluit om hulle eerder brutaal te vermoor. Hierdie storie dat hulle plaasaanvallers was, is ’n leuen. Hulle wou net hul geld gehad het en is in ’n brutale rasgedrewe voorval doodgemaak.”

Zenzile Megadlele, woordvoerder van die ANC, het ook beweer die oorledenes was onskuldige plaaswerkers wat vermoor is toe hulle hul geld gaan haal het.

’n Groep plaaslike inwoners, onder wie talle boere, het ook voor die hof saamgedrom, maar wou nie met die media praat nie.

Oproerpolisie het roldraad naby die hof en tussen die onderskeie betogende groepe gespan, vermoedelik om enige gewelddadige optrede te voorkom. ’n Skermutseling het ontstaan toe die polisie probeer het om die groep plaaslike inwoners te verwyder en hulle verder weg te dryf van die hof se ingang af. ’n Woordvoerder van die polisie was egter nie op die toneel beskikbaar om die rede hiervoor te verduidelik nie.

Polisiebeamptes het toegang tot die hof beheer en niemand is toegelaat om die hof te betree voor die familie van die oorledenes en die beskuldigdes nie.

Klik hier vir alle vorigte oor die Parys-boere op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

99 Kommentare

jongste oudste gewildste
Thuunda

Dis die tipe issues wat die laaste strooi is wat die land in groot moeilikheid kan dompel. Dit word al duideliker dat boere se lewens absoluut niks werd is nie. Hoop daar sal nie geweld wees vandag nie, die bloeddors van die EFF en ANC ondersteuners lyk my loop hoog vandag.

Flippie

Hoekom is die swartes wat kill a Farmer kill a Boer gesing het nie aangekla vir rassisme en haatspraak nie..

Die lamsakkige polisie was op die toneel en het niks gedoen nie.

StopTheMadness

Stop the Madness!!

Berhalet Beukes

Ek sien nooit EFF ondersteuners betoog oor plaasmoorde, plaasaanvalle of enige sake wat aangehoor word as blankes vermoor is nie. Wat ‘n walglike klomp opportuniste!

Bruno Stef

Is dit dan vandag die gebruik van n werknemer om sy salaris by n werkgewer te gaan haal met n vuurwapen en dan die werkgewer met die wapen oor die kop te slaan.As dit dan plaasarbeiders was hoekom sou hulle as hulle onskuldig was en niks verkeerd gedoen het nie dan vlug en as dit oor salarisse gaan waarom sal die boer die paniek knoppie onnodig druk.