Parys-boere: Nuwe hofaansoek gebring

Van links is Boeta van der Westhuizen, Anton Loggenberg, kapt. Henk Prinsloo, Cor Loggenberg, Loedie van der Westhuizen en Miela Janse van Vuuren. Foto: Maroela Media.

Die ses beskuldigdes in die opspraakwekkende Parys-moordsaak het Dinsdag op die eerste dag van die verhoor net vlugtig in die hof verskyn.

Boeta van der Westhuizen (46), sy seun Loedie van der Westhuizen (19), Anton Loggenberg (50), sy seun Cor Loggenberg (20), Miela Janse van Vuuren (23) en kapt. Henk Prinsloo (47) staan tereg op aanklag van moord in verband met die dood van Samuel Tjixa (34) en Simon Jubeba (24).

Toe die verhoor net ná 15:00 voor regter Corné van Zyl begin het, het die hof gehoor dat die verdediging ʼn aansoek sal bring om die staat te verplig om sekere inligting wat met die saak verband hou aan die beskuldigdes se regspan te oorhandig. Die saak is daarom tot Woensdag uitgestel.

Van Zyl het die onderskeie regspanne opdrag gegee om met mekaar oorleg te pleeg oor ʼn versoek van die SAUK om die verrigtinge op video op te neem. Sy sal na verwagting ook môre hieroor ʼn beslissing vel.

Advokate Hans de Bruin en Nico Dreyer tree vir die beskuldigdes op, terwyl advokate Sandile Mthethwa en Jabulani Mlotshwa namens die staat optree.

Die staat voer aan die beskuldigdes was betrokke by die moord op Tjixa en Jubeba wat op 6 Januarie 2016 deur boere van die Parys-omgewing op ʼn plaas aangekeer en na bewering só erg aangerand is dat hulle later in die hospitaal aan hul beserings beswyk het. Boere in die gebied het beweer Tjixa en Jubeba was deel van ʼn aanval op Loedie van der Westhuizen sr., Boeta se pa, se plaas, maar die oorledenes se familie het dit ontken en gesê Tjixa en Jubeba is tydens ʼn loongeskil deur die boere doodgeslaan.

Ruth Qokotho, Tjixa se ma, het in trane buite die hof aan Maroela Media gesê 16 maande ná haar seun se dood voel dit steeds asof dit gister gebeur het. “Dit is verskriklik swaar vir ons familie. Samuel was die broodwinner. Sedert sy dood gaan dit [finansieel] nog swaarder met ons,” het Qokotho gesê. “Om hierheen te kom en daardie mense [die beskuldigdes] te sien, hoe moet ek voel? Ek is baie kwaad. Vir die res van my lewe sal ek hulle gesigte nooit vergeet nie.”

Die saak word môreoggend om 10:00 hervat.

Lees alle vorige berigte oor die Parys-boere op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

24 Kommentare

jongste oudste gewildste
Rynhardt

SABC aangesien jy daarop uit is om twee boere se verhoor te dek, waar was jy oor al die jare met die dekking van die wreedaardige moorde op Afrikaners?? SABC , hoekom wys jy nie hoe kruise in verkragte vrouens se keelgatte afgefruk word nie?? Nog beter, hoekom wys jy nie hoe wit babas deur bende mans om die beurt verkrag word en aan die brand gesteek word nie??? Ek vra weer, SABC, hoekom is jy nie gretig om dit ook so te dek soos twee boere se verhoor nie? Ekskuus, dit val nie in by jou raamwerk van die… Lees meer »

pieter

Hoe moet die boere wat kos op die tafel sit vir almal in die land se familie voel as hulle so wreed vermoor word.

Swanna

Pieter ek vra dieselfde vraag. Nou moet sy weet hoe voel die wit vrouens wie se mans onnodig vermoor is en die plaas nou agteruit gaan. Die media kan so graag hierdie mense se gevoelens oop gooi wanneer hulle aan die kortste en trek sodat die wereld dit kan op slurp want dit is wat hulle soek.

Rolene

Hoekom mag boere nie hul self verdedig nie?? Moet hul dan terugstaan as hul aangeval word??

Apie

Vermoor tydens n loongeskil? Vermoor deur al daardie beskuldigdes, insluitend n polisiebeampte? Grootste klomp snert!! Nee, tattie, dink n ander storie uit.