Parys-boere: Saak duur voort

Boeta van der Westhuizen (links), Johan Cilliers sr., Johan Cilliers jr., Anton Loggenberg en kapt. Henk Prinsloo in Februarie in die Parys-landdroshof. Foto: Nico Strydom

Boeta van der Westhuizen (links), Johan Cilliers sr., Johan Cilliers jr., Anton Loggenberg en kapt. Henk Prinsloo in Februarie in die Parys-landdroshof. Foto: Nico Strydom

Wian van der Westhuizen en Fanie Oosthuizen het Maandag in die landdroshof in Parys, Vrystaat, verskyn in verband met die moord op twee vermeende plaasaanvallers wat in Januarie deur ʼn groep boere op ʼn plaas in die Parys-distrik aangekeer is.

Jacques Steenkamp van SAUK Nuus berig die staat het die twee mans se aansoek om borgtog teengestaan, aangesien die staatsaanklaer aanvoer die mans staan tereg op ʼn skedule 6-misdaad.

Volgens Steenkamp het die landdros egter versoek dat die staat dit moet staaf, aangesien ander beskuldigdes tereg staan op aanklag van die oortreding van ʼn skedule 5-misdaad en gevolglik op borgtog vrygelaat is.

Maroela Media het vroeër berig Boeta van der Westhuizen, een van die beskuldigdes, is Vrydag weer in hegtenis geneem nadat hy na bewering sy borgtogvoorwaardes verbreek het. Brig. Hangwani Mulaudzi, woordvoerder van die Valke, het aan Maroela Media gesê dat Van der Westhuizen glo lede van die ondersoekspan gebel, gedreig en geïntimideer het.

Boeta van der Westhuizen is saam met kapt. Henk Prinsloo, Boeta van der Westhuizen, Anton Loggenberg, Johan Cilliers sr. en sy seun Johan Cilliers jr., in hegtenis geneem in verband met die moord op Samuel Tjixa en Simon Jubeba.

Wian van der Westhuizen en Oosthuizen is verlede week in verband met die moord in hegtenis geneem. Hulle is ook inwoners uit die plaaslike plattelandse gemeenskap.

Lees alle vorige berigte oor die Parys-boere op Maroela Media

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

8 Kommentare

jongste oudste gewildste
Michael

Dit klink nie reg?Die Staat het nie ‘n saak ,die beweerde beskuldigdes moet hulle dagvaar vir hierdie ontneming van hulle vryheid wanneer die saak gewen word deur die verdediging.

KP

Die hele land moet hierdie boere in hul gebede opdra.

Liewe Heksie

Ag regtig dit raak nou afgesaag wie ookal is besig met n heksejag hier STOPIT nou jul maak jul naam net weer en weer toffie

Elize

Lyk vir my daar is ‘n les te leer by ander “groepies”, daar word net gesê niemand het niks gesien nie en niemand weet wie dit gedoen het nie. Einde van die storie.

Johannes Meintjes

Die wortel van die kwaad, synde misdaad in SA, moet aangespreek word sodat ons gemeenskap kan leef en die boere kan boer. Die Staat en die SAPD (en ons sit-sit-so belangrik-lyk “Boerevolkleiers”) moet in die beskuldigingsbank staan.