Pasgebore baba in Vaalrivier gegooi

Argieffoto: Die Vaalrivier

Die liggaam van ʼn babadogtertjie is Sondagoggend in die Vaalrivier tussen Potchefstroom en Viljoenskroon gevind. Die baba was duidelik pasgebore, want ʼn deel van haar naelstring was steeds aan haar verbind.

Brig. Motantsi Makhele, polisiewoordvoerder, sê die polisie is omstreeks 09:00 van die liggaam in kennis gestel nadat vissermanne glo op die liggaam in die rivier afgekom het.

“Volgens voorlopige inligting het die baba se ma haar in ʼn emmer gesit en in die rivier gegooi,” bevestig Makhele.

“Die baba was reeds by die polisie se aankoms op die toneel dood.”

Maroela Media het Sondag berig oor ʼn soortgelyke voorval toe ʼn baba in die vlak water van ʼn dam in die omgewing van Kemptonpark aan die Oos-Rand gevind is. Die voorvalle blyk nie met mekaar verband te hou nie.

In die jongste voorval is die liggaam deur ’n forensiese patoloog na die staatslykshuis geneem.

Die identiteit van die ma is in hierdie stadium nog nie bekend nie.

“ʼn Geregtelike doodsondersoek is geopen om die omstandighede rondom die baba se dood te ondersoek.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

20 Kommentare

jongste oudste gewildste
Hardekwas

Siek man, siek.

Baardman

Diere doen dit nie eers nie, SIES.

Persheks Adri

Hoe onmenslik is die mensdom? Verskriklik hartseer!

Libs

Dit gaan my verstand te bowe……wragtig!!!

Jacques

Vir die wat sê nie eens diere doen dit nie, wel… Hamerkop voëls doen. Sy broei die eiers uit, besluit watter een is haar versorging waardig en die ander word uit die nes gegooi om te vrek. Swart bere baar gewoonlik twee of drie kleintjies maar as sy net een kry laat sy hom/haar aan die lot oor. Merino skape baar dikwels tweelinge en die ooi sal een verstoot. Ander diere wat ook kleintjies versaak is katte, Noord Atlantiese robbe, Pandas en sekere watervoëls.