ʼn Baba is lewend aangetref in ʼn plastieksak in die Vrystaat.
“ʼn Vrou van Namahadi het Dinsdagoggend omstreeks 06:30 haar asblik gaan uitgooi toe sy skielik iets in ʼn plastieksak sien beweeg,” het sers. Mmako Mophiring, woordvoerder van die polisie, gesê. “Sy het ondersoek ingestel en op die pasgebore baba afgekom. Die baba se naelstring was nie afgesny nie.”
Die polisie en nooddienste is na die toneel ontbied en die baba is na die Mafube-distrikshospitaal geneem vir verdere behandeling.
“Die ma en/of die persoon wat verantwoordelik is hiervoor is nog onbekend,” het Mophiring gesê. “Die polisie ondersoek ʼn saak van kinderverwaarlosing en poging tot moord.”
Enigiemand met inligting oor die voorval word versoek om lt. Master Motsoeneng te skakel by 079 889 6096.
Sal seker nooit die skuldige (lees: slegte) kry nie…
Skokkend .. arme babatjie .. mens se hart raak net so seer want hul vra nie om daar te wees nie.
Nie eens ń dier doen dit aan haar eie nie.
Goeiste, dis wreed! Dink ook nie hulle sal die ma kry nie.
bly iemand het die baba gevind en dat hy/sy ‘n kans het