Paspoort-video: Dissiplinêre stappe volg teen 4

‘n Skermskoot uit die video.

Die departement van binnelandse sake gaan vier persone vervolg ná ʼn video aan die lig gekom het van ʼn beampte wat klaarblyklik meer aandag gee aan haar selfoon as aan die werk wat sy moet doen.

Thabo Mokgola, woordvoerder van die departement, het bevestig die persoon werk by die Beitbrug-grenspos. “Minister Malusi Gigaba het Woensdagoggend opdrag gegee dat die departement vinnig moet optree,” het Mokgola bygevoeg. “Die departement se beleid verbied die gebruik van selfone deur beamptes wat met die publiek werk terwyl hulle hul pligte uitvoer.”

Die beampte is uitgeken en sy sal onderwerp word aan ʼn interne dissiplinêre proses. “Dissiplinêre maatreëls volg ook teen drie toesighouers op die skof vir ʼn gebrek aan behoorlike toesig,” het Mokgola bygevoeg.

Mkuseli Apleni, direkteur-generaal van die departement, het sy ontevredenheid uitgespreek oor die gebrek aan aandag wat die persoon gegee het aan haar werk en gesê dit is ʼn direkte oortreding van die beleid wat betref die gebruik van selfone by werkstasies. “Ek is baie besorg dat die persoon met sekuriteitsdokumente werk sonder om aandag te gee aan detail, en eerder aandag gee aan haar selfoon. Ons het met dissiplinêre maatreëls begin teen die beampte en drie toesighouers,” het Apleni beaam.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Jerry

En toe is toesighouding jou werklikwaar geidentifiseer as die wortel van die kwaad. Nogal sommer 3 toesighouers!

Loon

Die persoon wat Candy crush in Parlement speel gee opdrag vir die vervolging……ha ha ha, dis een grap op die volgende!
Al wat daar uit gaan kom is dat hulle getugtig gaan word omdat hulle uitgevang is!

Johan

Ja, gaan seker gesuspend word met volle betaling…..dis darem n wonderlike land die…..wat almal nie wil erken in die openbaar nie is dat dit so gaan in alle staats instansies….maar as jy iets sê daaroor is jy n rassis….

Sonja

By alle staatsinstellings gaan dit so.

Amanda

Is reg …. laat sy met haar foon onder ‘n boom gaan sit, want dit irriteer die wit waks uit my uit as hulle dit doen