Passasiers in die ry beroof

Foto ter illustrasie: Pixabay

Passasiers wat op ʼn bus van Johannesburg na Bulawayo onderweg was se Kersgees is behoorlik gedemp nadat gewapende rowers hulle op die N1 onderweg na Musina beroof het.

Die polisie in Limpopo sê vyf rowers het weggekom met ʼn onbekende bedrag kontant, selfone, skootrekenaars en ander items wat hulle gebuit het tydens die halfuur lange rooftog.

Twee van die rowers het na bewering die bus in Pretoria bestyg en voorgegee om gewone passasiers onderweg na Zimbabwe se naasgrootste stad te wees.

Maar in die ry het hulle vuurwapens te voorskyn gebring en die reisigers beroof. Die ander drie het blykbaar in Johannesburg opgeklim.

Een van die passasiers het agterna vertel sy is meer as R30 000 kwyt wat sy wou gebruik het om ʼn huis vir haar gesin in Bulawayo te bou.

Passasiers het agterna gesê die rooftog het in die omgewing van Mokopane plaasgevind. Volgens Bokani Maphosa het die rowers na gewone passasiers gelyk en het niemand kon dink hulle was saam met misdadigers op pad nie.

Blykbaar het die rowers eers gewag tot almal rustig geraak het voor hulle omstreeks 21:00 Vrydagaand toegeslaan het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Cherokee

De Klerk en Zuma het ook na gewone passasiers gelyk.

lewies

Watter toekenning behoort nou gegee te word?

AW

I know better than most people that a criminal isn’t always a thug in a black leather jacket with a big brand on his forehead to warn us away.
Criminals sit next to us on the bus. They pack our groceries and cash our paychecks for us and teach our children. They look no different from you or me. And that’s why they get away with it. – Jodi Picoult

Ou Erdvark

Die kreatiwiteit van die kriminele verbaas my elke dag al hoe meer.

John

?.. en so word hoeveel geroof van die so onskuldige reisigers? R30 000 vir ‘n huis in haar sak…? En die skelms het geweet watter rykdom so uit ons land na Zim reis. Watter lekker land is SA tog nie vir uitlanders om in te kom swaarkry nie.