Pieter Rossouw, woordvoerder vir ER24, het gesê die voorval het op Christiaan de Wet-weg in die westekant van die stad plaasgevind. Die bus se remstelsel het glo onklaar geraak. “Toe die passasiers op die bus besef wat fout is, het hulle almal deur die vensters van die bus gespring.”
Paramedici is na die toneel ontbied waar hulle die 19 passasiers met geringe tot matige beserings aangetref het. Altesaam 11 pasiënte moes na die Garden City-hospitaal geneem word vir verdere behandeling.
Volgens Rossouw het die bus uiteindelik self tot stilstand gekom en die bestuurder is nie beseer nie. Die rede hoekom die remstelsel onklaar geraak het, word ondersoek.
Snaaks genoeg… Ekt ook gedink dis n slang hahaha. Jammer om te hoor oor die insident! Maar mens kan nie help vir die verbeelding wat jy kry as jy so iets begin lees nie!
Kommentaar hier gelewer trek ook by die Maroelabus se vensters uit . . .
Gaan hierdie een binne bly ?