Pastoor-moord: ‘Ek is skuldig’

Stefan Visser. Foto: Maroela Media

Stefan Visser (29) wat verdink word van die moord op sy skoonma, past. Elsabe van Niekerk (55), het Woensdag in die Pretoria-hooggeregshof gepleit.

Adv. Philip van Staden, Visser se regsverteenwoordiger, het aangedui sy kliënt is gereed om te pleit. Die hofverrigtinge het in Afrikaans voor regter Nicolene Janse van Nieuwenhuizen voortgegaan.

Stefan Visser (29) het met ʼn rofgeskeerde baard, geklee in ʼn noupassende T-hemp en denim, in die beskuldigdebank gestaan. Hy het aansienlik maerder geword as ʼn jaar gelede toe sy borgtogaansoek van die hand gewys is.

Sy ma, Louise, en sy voormalige vriendin met wie hy in ʼn verhouding was, was in die openbare galery.

Visser het aandagtig gestaan en luister terwyl adv. Pieter Luyt, vir die staat, aangevoer het hy staan tereg op ʼn aanklag van moord deurdat hy op 11 April 2016 in Gezina, Pretoria, wederregtelik en met opset Van Niekerk vermoor het deur haar met ʼn mes te steek.

Hy het aangedui hy verstaan die aanklag teen hom en het daarna skuldig gepleit. Lees sy pleitverduideliking hier.

Van Staden het daarna bevestig Visser se pleit is in ooreenstemming met sy aanwysings.

Janse van Nieuwenhuizen het Visser daarna skuldig bevind aan die moord op Van Niekerk.

Van Staden het versoek dat die hof verdaag vir vonnisverrigtinge om te begin en dat hy met sy kliënt kan beraadslaag om self te getuig ter strafversagting.

Die staat het die versoek nie teengestaan nie en die saak is tot 20 April uitgestel.

Visser bly in aanhouding.

Lees alle vorige berigte oor die Moot-moord op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Gerda Erasmus

Is bly hy het uiteindelik herken dat hy haar VERMOOR het!!!! Nou moet reg en geregtiheid geskied!

kobus4e

Rustig Gerda, jou hart sal nie hou nie, met die gskreeu jou stem ook nie. Hy het nog nooit ontken dat hy haar vermoor het nie, net dat hy nie onthou nie. Duidelik onthou hy, hy het nou mos erken. Vind in jou hart ook vergewing vir hom, niemand is perfek nie.

Giel

Hierdie saak is baie sad. Sy het beslis gesorg dat hy hom haat……
Sterkte

Abbey-roseBotes

Dankie Here my God. U is groot en sal U diensknegte nie laat moor en niks doen.
Vir Stefan wil ek se dankie vir die waarheid en dat jy ons fanilie meer trauma gespaar het Mag jy hulp kry en genade en genesing vind in die aangesig van God. Mag jy bevry word van jou demone en mag vergifnis joune wees. Ons familie is baie meer leeg oor Elsabe nie meer hier is en ons gaan nog lank huil. Maar nou weet ek God luister as ons na Hom roep.

Basjan

Ja, dit is inderdaad ‘n BAIE hartseer aangeleentheid. Wat egter verblydend is, is dat die verloor in AFRIKAANS plaasgevind het.