Pastoor-moord: Verhoor begin eers dan

Stefan Visser. Foto: Facebook

Die verhoor van Stefan Visser (29), die man wat verdink word van die moord op sy skoonma, past. Elsabe van Niekerk (55), het nie Dinsdag soos verwag in die Pretoria-hooggeregshof begin nie.

Die saak, wat tot 28 April op die hofrol is, kon nie begin nie aangesien Visser weens ʼn administratiewe fout nie van die Kgosi Mampuru II-gevangenis na die hooggeregshof gebring is nie.

Die verhoor begin dus Woensdag wanneer Visser na verwagting gaan pleit. Visser en Van Niekerk se familielede was Dinsdag in die hof.

Van Niekerk (55) is op 11 April verlede jaar in haar broer se werkswinkel in Gezina in die Moot-omgewing vermoor. Visser is kort ná haar moord in hegtenis geneem. Sy is dood aan 31 steekwonde vermoedelik van ʼn “knuckle duster”-vuisystermes en is vier keer gesny.

Van Niekerk se dogter, Leandri (30), en Visser was besig om te skei ten tyde van die moord. Leandri en Visser het twee kinders. Visser het tydens sy borgaansoek beweer sy skoonouers het in hul huwelik ingemeng en hom daarvan weerhou om sy twee kinders te sien nadat hulle met die egskeiding begin het.

Visser beweer hy het “geknak” toe Van Niekerk die dag van haar moord op hom gegil en hom gestamp het, waarna hy nie meer kan onthou wat gebeur het nie totdat hy later dieselfde dag in Rietondale in hegtenis geneem is. Hy is aangekeer by sy vriendin, met wie hy in verhouding is, se ouma se huis.

Die egskeiding is amptelik in Augustus bekragtig, op dieselfde dag waarop Visser se verhoordatum vasgestel is. Hy is sedert sy inhegtenisneming in aanhouding in die Kgosi Mampuru II-gevangenis nadat sy borgtogaansoek in Junie van die hand gewys is.

Lees die vorige berigte oor die Moot-moord op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Suzie

Ek kan nie verstaan hoekom dit gedoen is nie? Hy het tog “klaar aanbeweeg” al was hy nog besig om te skei, want hy is by ‘n vriendin met wie hy in verhouding is, se ouma se huis in hegtenis geneem. Ek verstaan ook nie hoe jy so iets doen, en dan skielik nie die daad kan onthou wanneer jy gearresteer word nie?

Scalla

Administatiewe fout is die rede hoekom hy nie in die hof was nie, ek dink dit is iemand wat nie sy werk gedoen het nie, alles val uitmekaar.

foxi

Baie ouers/skoonouers is ook die oorsaak van probleme in hul kinders se huwelike. Hulle meng in en gee nie die getroudepare n kans om hul probleme uit te sorteer nie. Ek het ondervinding daarvan. Almal maak foute en is nie foutloos nie. Van die kinders klou nog aan hul ouers se rokspande en hulle ouers kan hulle net nie laat gaan nie. Hulle kinders is altyd reg en so slim en jy het nie n sê nie. Hierdie man was sekerlik so kwaad vir sy skoonma en kon seker nie meer die inmenging verduur nie en het toe beheer verloor.… Lees meer »

Speedguard

Was ook daar, hulle hou daarvan om die kinders te gebruik as ‘n afdryging, almal in die “skoon familie” is dan eweskielik die regs kenners mat al wat’n raad is om die saak net verder te vererger !

Chris

Moenie oordeel nie