PE-man wat vrou ‘met mes aanval’ in hof

Martin en Anne-Marie Stevens. Foto: Facebook

Martin en Anne-Marie Stevens. Foto: Facebook

Martin Stevens, ʼn man van Port Elizabeth wat daarvan beskuldig word dat hy sy vervreemde vrou verskeie kere met ʼn mes gesteek het, sal Donderdag in die plaaslike landdroshof verskyn.

Stevens (47), ʼn inwoner van Algoa Park, staan tereg op ʼn aanklag van poging tot moord nadat hy na bewering in Oktober verlede jaar sy vrou, Anna-Marie Stevens, buite haar vriend se woonstel met ʼn mes aangeval het. Hy het hom uiteindelik aan die polisie oorgegee nadat hy aanvanklik op die vlug geslaan het.

By Stevens se vorige hofverskyning in Maart het sy prokureur aangedui dat sy kliënt wag op ʼn bed by die Fort England psigiatriese hospitaal.

Volgens verslae het Stevens 15 jaar gelede sy eksvrou, Hettie, en haar vriend, Colin Rosslee, vermoor voordat hy homself probeer doodskiet het. Stevens is vrygespreek op die dubbelmoord-aanklag nadat die hof bevind het dat hy ʼn psigotiese aanval gehad het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Gesiggie

Dit is sieklik”’ hoe kan so n man vrygespreek word, agv n psigotiese aanval”’ regtig, so jy kan enige iemand vermoor, maar jammer jy het n sielkundigge probleem, so jy word vrygespreek.. nee hierdie nie regverdig? wat van die mense wat vermoor is? van van hul Familie wat deur al die hartseer en rou moet gaan, en wat van Anna-Marie? . Sjaim nou wag hul vir n bed? en dan…. ?? Hy het dit te maklik.

TDW

Dis die hof se plig om hierdie soort mense van die straat af te hou.

christine

Syt geweet van die probleem tog trou sy nogtans met hom. Hoe verlee kan mens wees. Nee kyk albei het kop dokters nodig en dringend ook maar party mense leer nooit

Grietjie

Hy dink sekerlik hy gaan WEER vrygespreek word. Hy het mos met moord weg gekom. Die wat hom mal verklaar en los gelaat het in die gemeenskap is net so skuldig soos hy!!! Dankie tog die vrou het die aanval oorleef. Sluit hom toe en gooi die sleutel weg?

mari

Siestog , hy gaan nou weer siek verklaar word. Mar dis seker sy “huma rights”.