Die identikit wat deur die polisie uitgereik is. Foto: Verskaf
Kapt. Sandra Janse van Rensburg, polisiewoordvoerder, het aan Maroela Media gesê die tekening is saamgestel uit beeldmateriaal wat hulle van veiligheidskameras bekom het. Die polisie het Donderdag twee foto’s uitgereik wat uit dieselfde beeldmateriaal bekom is. Volgens Janse van Rensburg is hulle onseker of dit dieselfde man is wat op albei foto’s verskyn.
Panayiotou se liggaam is omstreeks 10:00 Woensdagoggend in ʼn “afgeleë gebied” naby die Kwanobuhle-township buite Uitenhage gevind, nadat sy vermoedelik Dinsdag buite die Stellen Glen-veiligheidskompleks in Kabega Park ontvoer is. Sy het gestaan en wag vir haar vriendin saam met wie sy werk toe sou ry, maar het verdwyn voordat haar vriendin opgedaag het.
Panayiotou was ʼn onderwyser by die Riebeek College Girls’ High School in Uitenhage.
Enigiemand wat die verdagte op die idenitkit herken of meer inligting oor die saak het, kan ao. Anel van Eyk by 041 397 6857 of SAPS Crime Stop by 08600 10111 bel.
Klik hier vir alle vorige berigte oor die saak op Maroela Media.
Vang hom, vind hom skuldig en, BRING HOM VIR MY
Dit wil vir my lyk of veiligheidskameras opgegradeer moet word om beter foto’s te neem. Sou graag wou weet of die kameras by die Parlement, Uniegebou, Nkandla, Reserwebank ens. van beter gehalte is?