Hope Zinde saam met haar seun Mark. Foto: Facebook
Hy het Maandag in die Brits-streekhof verskyn nadat hy in Junie na die Weskoppies psigiatriese hospitaal in Pretoria gestuur is vir sielkundige evaluasie. Francois Joubert, Zinde se regsverteenwoordiger, het aan die hof gesê hulle betwis die verslag, aangesien Zinde voor die hofsaak psigiatriese behandeling ondergaan het.
Volgens die verslag wat aan die hof voorgelê is, is Zinde in staat om die hofverrigtinge te volg en ʼn betekenisvolle bydrae te lewer. Die verslag sê ook hy is in staat om te besef sy optrede was verkeerd en hy het nie aan enige sielkundige afwyking gely toe hy na bewering sy ma vermoor het nie.
Zinde word daarvan beskuldig dat hy sy ma by hul huis in die Pecanwood-landgoed by Hartbeespoortdam vermoor het. Hope se liggaam is op 11 Junie in die kattebak van haar motor gevind. Sy is vermoedelik reeds dae vantevore vermoor.
Landdros Lawrance Matthee het die saak tot Vrydag uitgestel, wanneer Zinde om borgtog sal aansoek doen. Hy sal vir die res van die week in aanhouding bly.
Lees alle vorige berigte oor Hope Zinde op Maroela Media.
Francois Joubert, jy doen net jou werk. Slaap jy maklik?
Natuurlik sal hy. Almal wat mos n geliefde vermoor het mos n skroeg los as hulle gevang worf
Hy is nie mal nie! Hy was net hoog, baie hoog.
Sjoe Mnr Joubert… Is dit die beste verdediging wat jy kan aanvoer? Jy spesialiseer in regte, nie psigiatrie nie… Maar jy weet reeds hy is skuldig en het geen ander verweer nie, nê?