Peiling wys SA’ners ag Ramaphosa as individu ‘baie hoog’

Pres. Cyril Ramaphosa. Foto: Siyabulela Duda/GCIS

Hoewel meer as die helfte van Suid-Afrikaners saamstem dat die toekoms van die ANC onseker is weens die leierskapprobleme binne die party, word pres. Cyril Ramaphosa as individu hoog geag oor die hele land heen.

Dié bevinding volg op ʼn meningspeiling van die markontledingsgroep Ipsos wat tussen Mei en Junie vanjaar uitgevoer is.

Ipsos het Saterdag in ʼn verklaring gesê die eerste helfte van 2018 was politiek gesproke, soos voorspel, maar rof.

Ingevolge die peiling meen 54% Suid-Afrikaners dat die toekom van die ANC onseker is weens die leierskapkwessies, selfs al bestaan die parlement grotendeels uit ANC-afgevaardigdes wat ʼn sterk leidende rol in die land moet speel.

Altesaam 3 619 lukraak geselekteerde Suid-Afrikaners is van aangesig tot aangesig in hul huise én in hul moedertale ondervra deur opgeleide onderhoudvoerders.

Ipsos meen dit is te verstane dat groot getalle ondersteuners van opposisiepartye soos die DA en EFF sou saamstem oor die ANC se onsekere toekoms. “Wat wel interessant is, is om kennis te neem dat 52% ANC-ondersteuners ook saamgestem het.”

Alle respondente is gevra om Ramaphosa en ander politieke leiers te beoordeel. Ipsos meen die resultate spreek van sy toenemende ondersteuning onder Suid-Afrikaners. “Gedurende sy tyd as adjunkpresident het hy voormalige pres. Jacob Zuma konstant geklop en sedert hy in Februarie president geword het, ag Suid-Afrikaners hom baie hoog.”

Sy ondersteuning was wel effe minder in die Wes-Kaap (6,3 uit 10), Oos-Kaap (6,9 uit 10) en KwaZulu-Natal (6,3 uit 10), hoewel hy steeds beter as alle ander politici gevaar het.

In Mpumalanga het Ramaphosa 8,5 uit 10 behaal terwyl adj.pres. David Mabuza wat van daar afkomstig is 6,1 uit 10 behaal het.

Mmusi Maimane kom in die Wes-Kaap die naaste aan Ramaphosa met 5,7 uit 10.

Onder die ANC-ondersteuners was Ramaphosa se ondersteuning konstant onder stemgeregtigde vroue en mans (8,2 uit 10). DA- en EFF-ondersteuners het hom albei meer as 5 uit 10 gegee.

“As ʼn mens Ramaphosa se prestasie vergelyk met ander partye se leiers en die adjunkpresident, word dit duidelik hoe ver voor Ramaphosa is en hoe baie Suid-Afrikaners leierskap van hom af verwag. Dit is natuurlik dat Maimane en Malema ondersteuning van hul eie partye sal geniet, maar nie van ondersteuners van ander politieke partye nie,” lui die verklaring.

Ipsos meen dit is ook interessant om kennis te neem dat vroue ANC-leiers sterker steun en mans vir Maimane en Malema effens hoër ag.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

50 Kommentare

jongste oudste gewildste
hendrik

Ek wonder watter groep Suid Afrikaners ag hom hoog

Erica

Ramaphosa het geen ruggraat nie – sal interessant wees om te weet onder wie die meningspeiling gedoen is defnitief nie die bree publiek nie swart en wit Suid Afrikaners.

Illa Conradie

Opname is gemaak vóór hy grondonteiening sonder vergoeding gesteun het. Sal definitief nou sommer baie laer geag word deur almal wat iets besit. Sy tipiese Afrika-sosialisme het nou duidelik deurgeslaan. En van Westerse ekonomie weet hy kennelik minder as niks. BEE-begunstigde en verder nul.

Jannie

LOL!! LOL!! Watter “Suid-Afrikaners”? LOL!! LOL!!
Is dit LAGDAG vandag?

julius

Doen die meningspeiling onder blankes , dan verander die prentjie heeltemal.