Pensioentrekker langs hoofweg aangeval, beroof

Argieffoto

ʼn Pensioentrekker wat op die N3 in Pietermaritzburg geryloop het, is met ʼn skerp voorwerp gesteek en beroof.

Nick Dollman, woordvoerder vir Netcare 911, het gesê die voorval het omstreeks 12:00 Sondagmiddag plaasgevind.

“Dit het naby die Kerkstraatbrug plaasgevind. Die 64-jarige man beweer hy wou ʼn saamrygeleentheid kry toe hy deur ʼn onbekende aantal mans oorval is wat geld van hom geëis het. Hy het homself probeer verdedig, maar is oorrompel, gesteek en beroof,” het Dollman gesê.

Volgens Dollman is die man in die bors gesteek en in ʼn bedenklike toestand na ʼn nabygeleë hospitaal geneem waar ʼn chirurg reeds op hom gewag het.

Volgens Dollman was die polisie se honde-eenheid op die toneel.

Kapt. Nqobile Gwala, woordvoerder van die polisie, kon egter nie onmiddellik die voorval bevestig nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

No country for old men ·

Suid Afrika het weer topplek in die lande wat die slegste is vir aftrede. Net Afghanistan is slegter vir bejaardes as Suid Afrika.

Swannie ·

In Afghanistan kan jy bly wees as jy aftreeouderdom bereik.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.