Peter de Villiers se dogter oorlede

De Villiers by sy dogter, Odille, in die hospitaal. Foto: Facebook

Die voormalige Springbokafrigter Peter de Villiers se dogter het haar stryd teen kanker verloor.

De Villiers en sy vrou, Theresa, is in rou gedompel nadat hul dogter Odille Monk Sondagoggend oorlede is.

Die 28-jarige Monk het limfoonkanker in haar bors gehad. Daar is vroeër vanjaar berig dat De Villiers elkeen van sy dogter se chemoterapiesessies bygewoon het.

Monk is in Desember verlede jaar met Scott Monk getroud. Huldeblyke stroom intussen in op De Villiers se Facebook-blad.

De Villiers het in sy tyd die o. 21-IRR-Wêreldkampioenskap saam met die jong Bokkies gewen.

Hy het die Springbokke tussen 2008 en 2011 afgerig en onder hom het Suid-Afrika in 2009 ʼn reeks teen die Britse en Ierse Leeus asook die Drienasiesreeks gewen.

Die foto wat vroëer vanjaar op Facebook gedeel is, wys De Villiers wat een van sy dogter se chemoterapiesessies bywoon:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Ander Annie

Innige simpatie aan haar geliefdes, familie en vriende. Dit is bitterlik seer om ‘n kind aan die food af te staan. Baie sterkte.

Jono

Sterkte vir julle Coach….kan my nie dit indink om een van my kinders aan die dood af te staan nie.

Rosie

Maroela, jul bewoording is verwarrend. Dit sou beter klink: hy het elke sessie van sy dogter bygewoon, en nie soos julle dit stel: hy het elkeen van sy dogter se sessies bygewoon ie. Want nou klink dit asof sy 2 dogters gehad het wat kankerbehandelings ontvang het.

ANE

Mag Hy, julle almal Vertroos en Styf teen Sy Vaderbors Vashou. Baie sterkte, dis so hartseer

Marlize

Baie sterkte en liefde.