Petisie teen aanry van mense na presidensiële inhuldiging

Lambert de Klerk en Zodwa Modipane (adjunkdirekteur van die direkteur-generaal van samewerkende regering) (Foto verskaf deur AfriForum)

AfriForum het Donderdag talle protesbriewe van inwoners reg oor die land teen die president se versoek – dat munisipaliteite landwyd 18 000 mense na die presidensiële inhuldiging in Pretoria op 25 Mei 2019 moet aanry – by die nasionale departement van samewerkende regering en tradisionele sake in Pretoria ingedien. Die burgerregte-organisasie het ook ’n protesbrief aan die presidensie gestuur rakende hierdie kwessie.

“Munisipaliteite sukkel reeds om die mas op te kom en kan nie eens basiese dienste aan inwoners verskaf nie weens ’n gebrek aan fondse,” het Lambert de Klerk, AfriForum se koördineerder vir Groter Pretoria, in ʼn verklaring gesê. “Belastingbetalers gaan gebuk onder ongereelde of geen watertoevoer, vullis wat nie verwyder word nie en rou riool wat in die strate afloop omdat munisipaliteite versuim om hul grondwetlike plig na te kom.

“Ten spyte van munisipaliteite se grondwetlike plig om basiese dienste aan inwoners te voorsien, is daar ’n gebrek aan dienslewering in sommige plaaslike dorpe en selfs in stede. Suid-Afrika se huidige ekonomiese toestand regverdig boonop nie die enorme koste wat aan hierdie presidensiële inhuldiging verbonde is nie en die ekonomie kan baat by munisipaliteite wat hulself van onnodige uitgawes weerhou. In die lig hiervan voel AfriForum die presidensie se versoek is ongegrond – daarom sê ons ‘stop die bus’ met die verkwisting van munisipale fondse,” het De Klerk bygevoeg.

Die organisasie versoek ook enigiemand wat ’n negatiewe ervaring by enige stemlokaal gehad het om dit aan meld op sy webwerf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Bert

Dink julle nou regtig hulle gaan luister?

Jr

NIKS VERANDER NIE. SELFDE DAG NA DAG. HOU NOOIT OP NIE

Thys

Of daar nou petisie gaan aangeteken word of ni ons sal hulle ni kan stop ni hulle gaan dit inelkgeval doen en weereens gaan dit di belastingbetaler se geld wees wat daarmee heengaan,sal net graag wil weet hoev di party di keer gaan kos

lewies

Stem roepende in die woestyn

jennefer

Ons stortingsterrein is gister aan die brand gesteek dis so oorvol en dis dan makliker om die vullis te verbrand .n kwart van die dorp het vandag nie elektrisiteit agv kabeldiefstal. water elke 2e dag. Ons is oppad na totale verval.