‘PetroSA-hoofde moet bonusse terugbetaal’

PetroSA

PetroSA

Die Demokratiese Alliansie het Sondag versoek dat die R17,3 miljoen wat in bonusse aan PetroSA se top uitvoerende direkteure uitbetaal is, dadelik terugbetaal moet word. Die DA is van mening dié “rampspoedige betaling” moet openbaar gemaak word en aan die parlement voorgehou word.

“Dit het Sondag aan die lig gekom dat die staatsbeheerde entiteit elf uitvoerende direkteure altesaam R17,3 miljoen in bonusse betaal het, alhoewel dié bonusse nie deur die raad van PetroSA goedgekeur is nie,” het Gordon Mackay, woordvoerder van die DA, gesê.

Die bonusse is uitbetaal gebaseer op ʼn regsmening wat bepaal dat “bekostigbaarheid nie ʼn geregverdigde rede is om bonusse te betaal nie”. “Dit is kommerwekkend dat die hoof van regsdiense, Mokgaetsi Sebothoma, wat ʼn massiewe R2,4 miljoen-betaling ontvang het, dié mening ingewin het.”

Die betaling van die bonusse kom in ʼn tyd waar die oliemaatskappy ʼn verlies van R14,5 miljard aangemeld het weens ʼn aantal rampspoedige projekte en nie verskeie sleutelteikens behaal het nie.

“In die lig van besparingsmaatreëls en die feit dat PetroSA se werknemers die afgelope twee jaar nie bonusse ontvang het nie, is dit uiters onregverdig vir die uitvoerende direkteure, van wie baie aan die stuur gestaan het van die mislukte projekte en nie teikens gehaal het nie, om miljoene rand in bonusse te ontvang,” het Mackay bygevoeg. “Ons kan nie ʼn kultuur by ʼn staatsinstansie bekostig waar swak besluite en ʼn gebrek aan aanspreeklikheid beloon word met astronomiese bonusse nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Jan maak n plan

Ek sal eerder nie my asem ophou en wag dat hulle die geld yerug betaal nie. Sal nooit gebeur nie.

Sannie

Ek het n beter kans om swanger te raak as wat hulle dit gaan terug betaal!

Johan

Wat is nuut….Net in SA…….korrupsie is n siekte…… daar is geen pille vir dit nie….

Bonus must fall

Laat weet maar net die personeel, hul het rede vir n bonus must fall!

John

Die bestuurders van semi-staatsinstellings glo vas hulle is die eienaars van die ondernemings. Etiek, eerlikheid en verantwoordelikheid het uit die woordeboek verdwyn. Dit is hoekom Zuma president is. Hy verteenwoordig die gedagtegang van die meerderheid van sy onderdane… en dan wonder ons nog.