ʼn Peuter het Saterdag in ʼn swembad by ʼn huis in Richardsbaai in KwaZulu-Natal verdrink.
Shawn Herbst, woordvoerder van Netcare 911, het gesê die voorval het omstreeks 16:00 by ʼn huis in Tambotieweg in Arboretum plaasgevind.
“Volgens inligting wat op die toneel verkry is, het ʼn familielid op die kind wat in die swembad gedryf het afgekom,” het Herbst gesê. Volgens Herbst is die kind na bewering 18 maande oud.
“Die familielid het die kind bewusteloos aangetref en paramedici ontbied. Paramedici het alles in hul vermoë gedoen om die kind se lewe te red, maar dit was tevergeefs.”
Die kind is op die toneel dood verklaar.
Die polisie was op die toneel en ondersoek die omstandighede rakende die voorval.
Baie slegte nuus. Waar is die dae dat alle swembaddens omhein en gesluit moes wees. Geen swembad mag gevul gewees het alvorens die Munisipaliteit nie goedkeuring gegee het nie.
Dis verskriklik hartseer.
Ek wil graag hierdie artikel met julle deel. Dit verduidelik hoe ‘verdrink’ regtig lyk. Verdrink lýk nie soos verdrink nie:
http://www.slate.com/articles/health_and_science/family/2013/06/rescuing_drowning_children_how_to_know_when_someone_is_in_trouble_in_the.html
Haan. Ek besef nou eers toe rk 4 jaar oud was, was dit presies dieselfde wat ek gedoen het. Tot n tannie my aan my hare uit die swembad getrek het. Geen geskree. Ek was ook vertikaal. En dit voel heel anders as wat iemand jou mond en neus toedruk. Jou brein staan stil… jy is ook nie so benoud nie.
Hi Haan, pragtige artikel en die waarheid.