Phiyega dalk geskors tydens ondersoek

Riah Phiyega. Foto: GCIS

Riah Phiyega. Foto: GCIS

President Jacob Zuma het Vrydagaand in ʼn verklaring bevestig hy het genl. Riah Phiyega in kennis gestel van sy voorneme om ʼn ondersoek teen haar in te stel.

Volgens die presidensie wil Zuma “bewerings van wangedrag en/of die gebrek aan geskiktheid om haar pos te beklee en/of haar vaardigheid om haar pligte doeltreffend uit te voer, of enige ander optrede wat verband hou met haar posisie as die hoof van die polisiediens” wil ondersoek.

Zuma het Phiyega die geleentheid gebied om skriftelik aan hom te toon waarom sy nie geskors moet word hangende die uitslag van die ondersoek nie.

“Die president het die verslag van regte [Ian] Farlam ontvang en oorweeg wat verband hou met die Marikana-kommissie van Ondersoek en het ook die kommentaar van genl. Phiyega oor die aanbevelings en bevindings daarin vervat, ontvang,” het die presidensie gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

9 Kommentare

jongste oudste gewildste
Naas van der Walt

As Phiyega sonder enige opleiding in die pos van kommissaris kan instap dan ek as president van die land president word – maar sonder n Nkandla en korrupsie

Johann Marx

Nêrens lees ek dat die persoon wat haar aangestel het OOK ondersoek word nie? Waarom nie? In die ou Suid Afrika het jy jouself bekwaam , aansoek gedoen vir ‘n pos, oortyd gewerk sonder betaling, jouself verder bekwaam, bevordering gekry as jy genoeg ervaring het, en jy kon vir ‘n hoër pos aansoek doen as so ‘n pos beskikbaar raak. In die nuwe Suid Afrika word jy “aangestel” sonder dat enige iemand jou kwalifikasies of ervaring nagaan, in ‘n pos wat jy nie eers amper suksevol kan beklee nie, dan word jy geskors (met volle salaris en byvoordele) sodat jy… Lees meer »

Maggie

Ek verstaan nie hoekom moet “Sy” redes gee om haar nie af te dank nie, Sy is al klaar onbevoegd gevind. Sy is n oneerlike onbevoegde disaster !!

J.Z

Ek wonder watter truuk hy “JZ”nou gaan uithaal om haar as die beste generaal wat daar is verklaar te kry.Dit is mos die wittes se skuld dat hulle nie kan sien hoe goed sy is nie ?????.

Nieskorsie

Rede waarom Riah nie geskors moet word nie?

= apartheid…