Phiyega geskok oor polisiemoorde

Argieffoto Foto: SAPD, Facebook

Argieffoto Foto: SAPD, Facebook

Altesaam 53 polisiebeamptes is reeds vanjaar dood, waaronder vier beamptes die afgelope week.

Altesaam 25 beamptes is dood terwyl hulle aan diens is en 28 is dood terwyl hulle nie aan diens was nie. Dit is ses meer as verlede jaar oor dieselfde periode.

Genl. Riah Phiyega, nasionale polisiekommissaris, het gesê die bestuur van die SAPD is geskok oor die moord op polisiebeamptes. Dit volg ná ʼn 34-jarige polisiekonstabel Vrydagoggend in Jeppestown in Gauteng doodgeskiet is.

“Die SAPD besef polisiëring is van nature ʼn hoërisiko-beroep en ons lede is gereeld blootgestel aan gevaarlike situasies en misdadigers, maar om by die polisiediens aan te sluit behoort nie gelykstaande te wees daaraan as om ʼn doodsbrief te onderteken nie,” het Phiyega gesê. “Die polisie is hier om te dien en te beskerm en hierdie aanvalle is die direkte gevolg van ons zero-toleransie-benadering tot kriminaliteit.”

Phiyega het gesê hulle sal seker maak hul kollegas se sterftes was nie tevergeefs nie, deur die verantwoordelike persone aanspreeklik te hou.

“Ons mans en vroue in blou word gereeld aan die veiligheidsmaatreëls wat hulle geleer het tydens opleiding en dat hulle dit deurgaans moet toepas,” het sy bygevoeg. “Hulle word ook aangeraai om elke situasie te hanteer asof dit lewensgevaarlik is, aangesien misdadigers in talle gevalle ons lede in ʼn lokval inlei.”

Phiyega het gesê polisiebeamptes moet hul polisieradio’s gebruik, mekaar ondersteun, bewus wees van hul omgewing, en gereeld na te gaan of die gereedskap wat hul gebruik in goeie werkende toestand is.

Sy het die polisie geloof dat ʼn verdagte reeds in hegtenis geneem is in verband met die moord op ʼn polisielid Donderdag in Themba, en vyf verdagtes wat in hegtenis geneem is in verband met die Jeppestown-skietery.

Sedert 1 April 2015 is 14 verdagtes in hegtenis geneem in verband met die moord op polisiebeamptes.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Berhalet Beukes

Waarom skok dit haar? Verwag sy van kriminele om agting vir die gereg te hê as die polisie wemel van korrupte lede? Ai, waar kóm sy vandaan?

Franco

Sy is “geskok” oor polisiemoorde maar nie oor honderde boere en ander mense op plase nie. Dit is mos “reg”…

MM

” Geskok” wys net hoeveel weet sy wat in haar eie afdeling aangaan, of sal ek se ” gebrek aan belangstelling”!

Bruno Stef

Ek is net so geskok oor die polisie se optrede om n geboeide persoon agter n polisie voertuig aan te sleep.Die misdaad in SA is so oorweldigend dat die publiek heeltemal afgestomp begin raak het en elkeen net op sy eie selfbehoud konsentreer.Dit word genoem die Afrika- mentaliteit en is dwars oor Afrika waarneembaar in die meeste Diktatorskappe.

EMK

Sy moet liewer geskok wees oor al die moorde en korrupsie deur haar mense in blou gepleeg!