Phiyega: ‘Moenie jammer sê vir regstelaksie’

Riah Phiyega. Foto: GCIS

Riah Phiyega. Foto: GCIS

Riah Phiyega, nasionale polisiehoof, het gesê die regering en sakewêreld moet nooit verskonend wees oor die implementering van regstellende aksie nie.

“Ons met verseker dat regstellende aksie nie vertraag word nie,” het Phiyega Woensdag aan afgevaardigdes van die Black Management Forum gesê. “Kom ons hou op verskonend wees oor die dinge wat ons moet doen.”

Phiyega het gesê regstellende aksie is ʼn bewuste poging om die onreg van die verlede reg te stel. Sy het gesê hoewel regstellende aksie moet voortgaan, dit binne die perke van die grondwet moet geskied. Phiyega het verwys na die saak van Renate Barnard. Die konstitusionele hof het verlede maand beslis dat die Suid-Afrikaanse Polisiediens nie teen Barnard gediskrimineer het deur haar nie te bevorder nie.

Phiyega het gesê Barnard is bevorder tot die vlak waar sy moes wees wees, al was dit in ‘n ander afdeling. Sy het gesê daar was ‘n vakante pos in die spesifieke departement wat toegelaat het dat sy bevorder kon word.

Phiyega het die vakbond Solidariteit gekritiseer en daarvan beskuldig dat hy inmeng in die polisie se sake en die bevordering van polisiebeamptes belemmer. “Ons probeer om lede te bevorder maar ons word voortdurend verbied deur Solidariteit. Ons is al vir twee jaar in daardie posisie,” het sy gesê.

Solidariteit het verlede jaar ʼn interdik bekom oor die polisie se weiering om bevorderings ingevolge sy nuwe rangstelsel op meriete te doen. Ingevolge die interdik mag daar geen bevorderings in die poste gedoen word tot die saak in die hof aangehoor is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
se-net

Dit is agv regstellende aksie dat ons land in toestand is wat hy is!!!! Sorry om dit te sê. maar dit is die waarheid!!!!!

Leon Jordaan

Dit is agv. Regstellende aksie dat ek wat 2 grade het en professionele kwalifikasies retrench is en nie weer ‘n ordentlike werk kan kry nie! Vir die eerste keer in 18 jaar kon ek nie my goed betaal nie! Ek is boos!

Petrus Swanepoel

Regstellende aksie is nie volhoudbaar!

Pieter

Black Management Forum is 100% rasistiese organisasie wat toeglaat word om te bestaan. Ek het eendag epos gestuur en gese ek wil lid word, hulle heel eerste antwoord was “Sir, are you black?”

Wanneer begin ons ‘n White Management forum? Ek kanmaar net raai dit gaan nie vêr vorder nie, die white management forum sal rasisties wees terwyl die black forum “nie rasisties” is.

Justin

Phiyega moet bedank. Te veel blankes het reeds hul werk verloor as gevolg van regstellende aksie.