Phiyega sê probleem met plaasmoorde is publiek se emosies

Nasionale polisiekommissaris Riah Phiyega tydens die bekendmaking van die 2013/14-misdaadstatistiek in Pretoria op 19 September 2014 Foto: Werner Beukes/SAPA

Nasionale polisiekommissaris Riah Phiyega tydens die bekendmaking van die 2013/14-misdaadstatistiek in Pretoria op 19 September 2014 Foto: Werner Beukes/SAPA

Genl. Riah Phiyega, die nasionale polisiekommissaris, het Maandag aan die Suid-Afrikaanse Menseregtekommissie (SAMRK) gesê mense se persepsies oor plaasmoorde moet bestuur word.

Phiyega het tydens die MRK se openbare verhoor oor plaasmoorde gesê die ware probleem is nie die moorde op plase nie, maar eerder mense se persepsies daaroor. Sy het verduidelik dat die Suid-Afrikaanse Polisiediens (SAPD) ’n program dwarsoor die land van stapel wil stuur om die publiek se emosies oor plaasmoorde te bestuur.

“Ons moet vasstel wat mense se emosies oor plaasmoorde aanvuur,” het sy gesê. “Is dit dít wat hulle in die koerante lees of dat hulle werklik nie veilig voel nie?”

Die burgerregteorganisasie AfriForum het Maandag in ‘n verklaring gesê Phiyega is totaal uit voeling met die werklikhede wat op Suid-Afrikaanse plase heers. Ernst Roets, adjunk uitvoerende hoof van AfriForum, het sy kommer uitgespreek oor die feit dat die polisie uitgebreide terugvoer gegee het oor die inhoud van die polisie se landelike veiligheidsplan, maar nie kon aandui tot watter mate die plan toegepas word nie. “Genl. Phiyega het gesê dat plaasmoorde nou minder as voorheen is, en sy het daarop gesinspeel dat dit gevolglik nie so erg is as wat mense dink nie,” het hy gesê.

Roets het Phiyega se argument as onbenullig bestempel. “Die feit dat misdaad van ’n buitengewone hoë voorkoms na ’n ietwat laer ekstreem afgeneem het, beteken nie dat dit opgelos is nie. AfriForum se ervaring is dat die wreedheid van plaasmoorde toeneem, maar genl. Phiyega het geen melding gemaak van die brutaliteit van plaasmoorde nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
antjie

Die vrou weet nie waarvan sy praat nie… hoekom is sy hoegenaamd in die pos. Sy moes lankal
uit die polisie uitgeskop gewees het. Plaasmoorde is n wrede werklikheid wat na my mening
vererger.

Hannesb

Wat sy eintlik probeer se is , kom ons sit net ‘n ander “spin” op die probleem.

Erich Goosen

Die Generaal is behep met ‘bestuur’. Sy moet liewers konsentreer daarop om die SAPD behoorlik te bestuur. Is sy verbaas dat plaasmoorde mense se emosies ‘aanvuur’? Hoe emosioneel sou sy opgetree het as ‘n sekere sektor van haar rasgenote voortdurend vermoor en gemartel word. Swyg liewers dan dan sal minder mense u onkunde raaksien.

Francois

Nouvra ek julle met trane in my oë! Wat is HAAR “perspsie” hieroor? SY lewe in ontkenning sedert sy die pos aanvaar het…of nee wag, voor die pos in haar skoot geval het. Sy het GEEN benul van polisieering nie..soos in NIKS!!!!

Francois

Nou vra ek julle met trane in my oë! Wat is HAAR “perspsie” hieroor? SY lewe in ontkenning sedert sy die pos aanvaar het…of nee wag, voor die pos in haar skoot geval het. Sy het GEEN benul van polisieering nie..soos in NIKS!!!!