“[Op 27 Mei] word Pierre Korkie al vir ‘n jaar gyselaar gehou,” het Michael Venter, woordvoerder vir die familie, gesê.
Korkie en sy vrou, Yolande, is in Mei verlede jaar deur militante in Taiz, Jemen ontvoer. Yolande is op 10 Januarie vrygelaat en het op 13 Januarie na Suid-Afrika teruggekeer. Die noodlenigingsorganisasie Gift of the Givers het haar vrylating onderhandel. Pierre het tyde van die ontvoering as ‘n onderwyser in Jemen gewerk.
Maroela Media het in Maart vanjaar berig dat Pierre se familie baie bekommerd is oor sy gesondheid. Stamleiers het wel gesê dat Korkie leef, maar dat sy gesondheid baie swak is. “Hulle het selfs gesê Pierre is doof en hulle moet skriftelik met hom kommunikeer,” het Imtiaz Sooliman, hoof van Gift of the Givers, destyds gesê.
Daar is intussen geen nuwe inligting beskikbaar oor Korkie se welstand nie.
Korkie se ontvoerders eis R32,5 miljoen vir sy vrylating.
Nico Strydom … Verduidelik vir my die …. ‘ Yolande is op 19 Januarie vrygelaat en het op 13 Januarie na Suid-Afrika teruggekeer’ Huh ….
Haai Eben
Jammer oor die vingerfout. Die berig is gewysig met die regte datum
Baie dankie
Vriendelike groete