‘Pierre sou vrygelaat word’

'n Argieffoto van Pierre Korkie en sy gesin. Foto: Gift of the Givers

‘n Argieffoto van Pierre Korkie en sy gesin. Foto: Gift of the Givers

Die Al-Kaïda-militante wat die Suid-Afrikaner Pierre Korkie gyselaar gehou het, het beplan om hom vry te laat, het Gift of the Givers Saterdag gesê.

“Dit sou more [Sondag] gebeur het,” het Imtiaz Sooliman, stigter van Gift of the Givers, Saterdag gesê. Hy het gesê daar is op 26 November ʼn ooreenkoms met die militante bereik vir Korkie se vrylating.

Korkie is egter Saterdagoggend doodgemaak na ʼn mislukte poging deur Amerika se spesiale magte om gyselaars in Jemen te bevry. Sooliman het gesê Korkie se vrou, Yolande, het haar man tuis verwag vir Kersfees. “Dit is selfs meer tragies dat ons die woorde ‘die wag is amper verby’ gebruik het toe ons vanoggend omstreeks 05:59 met Yolande gepraat het.”

“Die gebeure vanoggend het ʼn einde gebring aan 11 maande se onbeperkte pogings om Pierre veilig huis toe te bring,” het Sooliman gesê. Hy het gesê Pierre sou Sondag uit Jemen na ’n “veilige land” gevlieg het waar hy sy familie sou ontmoet het en na Suid-Afrika sou vlieg.

Volgens AFP is daar vroeg Saterdagoggend ʼn lugaanval uitgevoer in die suidooste van Jemen waartydens nege vermeende Al-Kaïda-militante dood is. Korkie en ʼn Amerikaanse fotojoernalis Luke Somers is tydens die mislukte reddingspoging dood.

Pierre en Yolande is op 27 Mei 2013 in Taiz, Jemen ontvoer. Yolande is op 10 Januarie vrygelaat nadat Gift of the Givers haar vrylating onderhandel het. Korkie se ontvoerders het vroeër ʼn losprys van $3 miljoen (ongeveer R32 miljoen) vir sy vrylating geëis.

Korkie was minstens drie keer vanjaar lewend gesien. Hy is die eerste keer in April vanjaar gesien toe hy en ʼn gyselaar van Sierra Leone van Abyan na Albaydah geskuif is. Hy is op 28 Mei ʼn tweede keer gesien tussen Albaydah en Marib. Korkie is in Junie die laaste keer gesien tussen Marib en die Shabwa-provinsie.

Klik hier vir vorige berigte oor die saak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Erna van Dyk

Soooo die Amerikaners was daar.

Hendrik

Ag asseblief Erna, is jy nou sarkasties oor die Amerikaners probeer het om een van hulle burgers te bevry wat op die punt gestaan het om doodgemaak te word? Blameer die Moslem ektremiste, nie Amerika nie.

Dis baie hartseer oor Pierre, maar dis nie Amerika se skuld nie!

Elizabeth

Aan die een kant – ja, die Amerikaners moes dalk versigtiger wees en uitvind wat is aan die gang met betrekking tot vrylating van gevangenes voor hul opgetree het. Aan die ander kant is dit nou weer presies wat Al Kaida wil hê – dat Amerika geblameer word. Mens noem dit mos “shifting the blame”. Al Kaida is die skuldiges en moes nooit die mense gevange geneem het in die eerste plek nie en hul moes LANKAL almal vry gelaat het maar jippieee, nou kan ons mos Amerika blameer vir die mense se dood. Hoe gelukkig tog ne! Al Kaida… Lees meer »

willem

My hart breek vir sy familie maar dit wys weer eens ons regering niks vir sy mense voel nie. Ek se lankal as Korkie n Amerikaner was hul hom daar sou gaan probeer uithaal het . Dankie aan Gift of the Givers wat tenminste probeer het.

Willie van der watt

kritiseer liewer die barbare wat hom aangehou het. Amerika probeer darem, iets wat nie van die sa regering gese kan word nie