Pikitup-hoof kry trekpas

Amanda Nair, Pikitup se besturende direkteur.

Amanda Nair, Pikitup se besturende direkteur.

Amanda Nair, die omstrede besturende direkteur van Johannesburg se vullisverwyderingsmaatskappy Pikitup, is Vrydag amptelik afgedank.

Haar afdanking volg ná die bevindinge van ʼn onafhanklike forensiese ondersoek na bewerings van wanbestuur.

Jackie Mashapu, Pikitup se woordvoerder, het gesê die maatskappy se direksie het besluit dit is in die beste belang van inwoners, werkers en die maatskappy self, om met onmiddellike inwerkingtreding Nair se kontrak te beëindig.

Nair is in April vanjaar op “spesiale verlof” geplaas te midde van die munisipale werkersvakbond Samwu se bewerings teen haar wat gepaardgegaan het met verskeie protesaksies.

Sy is verlede jaar in hegtenis geneem vir die beweerde diefstal van maatskappyselfone wat glo onregmatig aan haar en haar kinders uitgereik is. Sy is egter deur ʼn hof onskuldig bevind.

Samwu het daarna nuwe bewerings teen haar gemaak en geëis dat sy van haar pos onthef word. Bewerings teen haar het opgevlam toe Pikitup-wekers op 9 Maart op ʼn onbeskermde staking gegaan het en geëis het dat hul salarisse verhoog word en Nair afgedank word. Na aanleiding van Samwu se bewerings is ʼn 30 dae lange onafhanklike ondersoek van stapel gestuur om die bewerings rakende Nair te ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
jaco

Nadat die DA die beheer van n paar munisipaliteite oorgeneem het, het hulle belowe niemand gaan afgedank word nie. Maar hier word nou nog een afgedank. En het die DA wat nou so vol bravade mense afdank vergeet daars die CCMA wat deur die ANC-regering beheer word?

Jakkalas

Name and shame…….

Jan britz

Wil die direksie nie maar sommer ou Jakob ook ondersoek en afdank nie! Hulle sal meer as genoeg redes kry!

KarooKlong

Enige persoon in ‘n bestuurshoedanigheid wat anti vakbond is of selfs net voorkom asof jy nie die vakbonde se eise wil nakom nie se loopbaan is gedoem.

Lance

Sy moet net trap …sy het haar toets gedop …USELESS ! Kry asb iemand wat wil en wat kan werk en gewalifiseer is ASB !