Pistorius-familie gaan klag lê oor Oscar-berig

Oscar Pistorius Foto: Kim Ludbrook/EPA/Pool/Sapa

Oscar Pistorius Foto: Kim Ludbrook/EPA/Pool/Sapa

Oscar Pistorius se familie het gesê hulle gaan ʼn klag teen The Saturday Star by die persombudsman indien nadat dié koerant ʼn artikel gepubliseer het waarin vertel word van die beweerde voorkeurbehandeling wat Pistorius in die tronk ontvang.

Die Pistorius-familie het Dinsdag in ʼn verklaring gesê die artikel getiteld “Oscar’s diva demands” is feitelik verkeerd, misleidend en is ʼn gruwelike wanvoorstelling van die feite. “Ons sal ʼn klag by die persombudsman indien binne die voorgeskrewe 21 dae van die publikasiedatum van die artikel,” lui die verklaring.

Die koerant het in die artikel beweer dat Murasiet Mentoor, die streekbestuurder van geregtelike inspektoraat, het aan die koerant “bevestig” dat hy gevra is om aandag te gee aan Pistorius se griewe oor sy lewensomstandighede in die tronk. Volgens die koerant is ’n bad in Pistorius se sel laat bou omdat hy gekla het dat hy nie kon bad nie. Nuwe toerusting is na bewering in die tronkgimnasium geïnstalleer op Pistorius se versoek en die atleet is volgens die berig toegelaat om sy eie kos voor te berei omdat hy bang was hy word vergiftig.

Die koerant het ook beweer Pistorius is in die hospitaalvleuel van die Kgosi Mampuru II-gevangenis aangehou om te verhoed dat hy deur ander gevangenes geteiken word.

Pistorius sou Vrydag onder korrektiewe toesig vrygelaat word, maar Michael Masutha, minister van korrektiewe dienste, het Woensdag die besluit op die laaste nippertjie teruggetrek. Masutha het gesê die besluit is te vroeg geneem aangesien Pistorius eers van 21 Augustus in aanmerking kon kom vir moontlike vrylating.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

21 Kommentare

jongste oudste gewildste
Jurie Bender

Wie is die mampara na wie die trok vernoem is? Laat Oscar met rus, as hy wel skuldig is sal hy sy straf edndag kry. Die syorie is hol rug gery. Vir mmande op TV. Hoekom sien ons nie n volledige TV weergawe van die ex-polisiemanne wat die taxi bestuurder gesleep het nie. Die media ruk nou weer die dam onder die eende uit.

Lynette

Die 21ste is mos nou verby, hoekom het hulle nog nie weer besluit dat hy op parool kan gaan nie? Die tydperk is mos nou reg.

Rika Kotze

Ek is BAIE bly dat die Pistorius fam n klag gaan lê. Lyk my almal kan nou sê en demand soos hulle wil. Die ergste is dat dit geglo word. Hoekom sonder hulle hom so uit.

Marlene

Dankie dames ek is so bly daar is vir een maal iemand wat saam my stem. Die man is getrem. Natuurlik benodig hy gepaste toerusting/ geriewe. Dis nie ‘n Alcatraz nie. Oscar is nie ‘n misdadiger/ moordenaar nie. Hy’t impulsief uit vrees opgetree en ek voel bitter jammer vir Reeva en ha family. Om die man te vernietig gaan haar nie terug bring nie.

Se Maar Net

Regtig!! HY bly ‘n moordenaar. Almal is al so siek om van die klomp te hoor.
Hy verdien veel erger as net tronkstraf.
Hy is beslis nie ‘n “Hero” nie, jammer hy het nie lewenslank tronk straf gekry nie.
Sy storie is besaai met leuns, en die wat dit glo wil dit glo.