Plaasaanval: Bejaarde man met knopkieries aangerand

Die bejaarde man is met ‘n helikopter na ‘n hospitaal in Bloemfontein geneem. Foto: Verskaf

ʼn Bejaarde egpaar is Sondagoggend in hul huis op hul plaas in die Reitz-omgewing in die Vrystaat oorval.

Marius Müller, nasionale operasionele koördineerder van AfriForum, het Sondag aan Maroela Media gesê ʼn voorlopige ondersoek dui daarop dat drie gewapende aanvallers die egpaar omstreeks 05:00 oorval het.

“Die 76-jarige man is tydens die aanval na die badkamer gesleep en onder meer met knopkieries aangerand. Hy het erge hoofbeserings opgedoen.”

Sy vrou is in ʼn kamer aangehou. Sy kon omstreeks 06:30 daarin slaag om hulp te ontbied nadat die aanvallers te voet oor die koppies gevlug het. Die aanvallers is steeds soek.

Die man is daarna na ʼn hospitaal in Bethlehem geneem vir behandeling. Sy vrou het nie ernstige beserings opgedoen nie.

Dit is nog nie duidelik wat alles tydens die aanval gesteel is nie, maar selfone is onder meer gebuit.

Müller het gesê die egpaar het nie ʼn mediese fonds nie en AfriForum en die hospitaal in Bethlehem het gereël dat die man na ʼn hospitaal in Bloemfontein oorgeplaas word.

Die man is Sondagmiddag met ʼn staatshelikopter na die Netcare Universitas-hospitaal geneem vir verdere mediese behandeling.

Die polisie en buurtwagte was op die toneel en ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Ann

Ek ken so baie boere in die omgewing dat ek koud word elke keer as ek oor ñ plaasaanval in die distrik lees of hoor.
Ek hoop die sal okay wees!!
Weet iemand dalk wie dit is?

Tersia

Weereens ”n plaasaanval. Ek kry die gevoel dat opvlam. Leiers van hierdie land dit is julle skuld

ontevrede leser

weereens ‘n klomp lafaards, L A F A A R D S, julle is te bang om julle eie portuur en getalle aan te vat. sterke aan koster en familie, gemeente lede, gebede gaan op vir spoedige herstel

bokka

En so gaan dit maar net aan en aan totdat al ons blankes uitgewis is want dit is wat die swart regering wil he

ontevrede leser

skuus kommentaar hoort by zeerust koster wat aangeval is, maar dit kan maar hier ook bly