Plaasaanvalle: ‘Bury them alive’-uitlating ontstig

Argieffoto

Argieffoto

Die vakbond Solidariteit het Woensdag gesê indien die ANC werklik ernstig is oor rassisme, hy in eie geledere sal moet optree, nadat Duduzile Manana, ʼn ANC-LP, glo Dinsdag in die nasionale vergadering “Bury them alive!” geskree het tydens die debat oor plaasmoorde.

Volgens dr. Eugene Brink, politieke ontleder verbonde aan die Solidariteit Navorsingsinstituut, is hierdie soort uitlatings tekenend van die anti-wit rassisme wat ʼn vastrapplek in die ANC gekry het. “Hoe meer bedreig die ANC voel en hoe meer hulle andersins misluk, hoe feller raak hierdie soort rasseretoriek,” het Brink gesê.

Volgens Brink verlaag Manana se uitlating moorde op boere tot ʼn laer status as dié van moorde op ander Suid-Afrikaners en hits sy dit selfs aan. “Deur haar uitlatings gee sy toe dat boere se lewens niks werd is nie en dat hulle nie die grondwetlik gewaarborgde reg op lewe het nie,” het Brink verduidelik.

“Uitlatings soos dit en dié van ander politici, soos Julius Malema, hits geweld aan spesifiek teenoor wit mense en dra niks by tot ʼn oplossing nie. Dit is die soort retoriek wat in die aanloop tot die volksmoord in Rwanda gebruik is, toe Hutu-hooggeplaastes dit jeens die Tutsi-minderheid gebruik het. Dit het gou algemener en aanvaarbaar geword, totdat dit op een van die ergste volksmoorde ooit uitgeloop het, toe sowat 800 000 mense in drie maande vermoor is.”

Volgens Brink sal uitlatings soos hierdie in feitlik geen ander parlement geuiter word nie, veral nie deur mense wat aan die regerende party behoort nie. Brink het voorts gewaarsku hierdie aanhitsing van moorde op boere word as volmag beskou wat toestemming verleen om moord op wit mense in die algemeen te pleeg. “Sulke uitsprake syfer deur tot by gewone mense wat al hoe meer in die vorm van geweldsaanhitsing op sosiale media gesien kan word,” het Brink gewaarsku.

“Ons vermaan dus die regerende party om streng teen Manana op te tree en hulle in die openbaar van haar uitlatings te distansieer,” het Brink gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
Doep

Ek daag Manana uit om sy graaf te bring en my lewend te kom begrawe.

Penellope Jones

Nogal ‘n LP wat sulke goed in die Parlement skree.
Mensig.

WL

Niks gaan gebeur nie. Wat het hulle aan Esethu Hasane gedoen? Hulle bly net stil totdat die media storm oor is, wag vir een van hul ander idioot lede om omstrede kommentaar te maak, dan weet hulle dis vergete.

humor

Uit die mond van n dwaas waarmee die hele regerende anc gekenmerk word. Die debat van gister se voordeel is dat daar geen ruimte vir spekulering meer bestaan nie. Nou het die ganse land en selfs die buiteland daaroor n klaarheid.

Mr P

Boere, Beveilig julle self.