Plaasaanvalle: DA kap polisie oor statistiek

Argieffoto

Argieffoto

Die DA het sy kommer uitgespreek oor die Suid-Afrikaanse Polisiediens (SAPD) se verbintenis tot landelike veiligheid ná hul “onvermoë” om Woensdag tydens die Polisie Portefeuljekomiteevergadering in die parlement rekenskap te kon gee van statistiek oor plaasaanvalle.

Annette Steyn, DA-woordvoerder oor landbou, het Donderdag in ʼn verklaring gesê alhoewel die SAPD beweer dat ernstige landelike misdaad met 41% van 2011/12 tot 2013/14 afgeneem het, was hulle nie in staat om verantwoording te doen vir werklike plaasmoorde en -aanvalle nie, aangesien die polisie se statistiek vir landelike misdaad nie meer in spesifieke kategorieë uiteengesit word nie.

“Volgens ʼn onlangse verslag van die Instituut vir Sekerheidstudies (ISS) wil dit voorkom of plaasaanvalle en -moorde, as ʼn kategorie van landelike misdaad, in werklikheid besig is om te styg,” het Steyn gesê.

Die verslag haal statistiek aan van TLU-SA, wat rekord hou van plaasmoorde en -aanvalle sedert die polisie dit gestaak het, wat ʼn styging aandui. Die statistiek wys dat daar in 2013 altesaam 62 moorde en 231 aanvalle was. In 2014 was daar 67 moorde en 278 aanvalle. Teen die tyd wat die verslag ingedien is, was daar in 2015 reeds nege moorde en 23 aanvalle.

Volgens die ISS kan die TLU-SA se syfers moontlik die aantal plaasaanvalle onderverteenwoordig aangesien die organisasie nie dieselfde hulpbronne as die polisie het nie.

“Die SAPD het ʼn paar jaar gelede aanvalle op boere en plaaswerkers van hul jaarverslae verwyder, en ten spyte van instruksies van die portefeuljekomitee weier hulle om dit weer te noem,” het Steyn verduidelik. “Die DA het weer hierdie kwessie in die vergadering aangespreek net om van Riah Phiyega, nasionale polisiekommissaris, te verneem dat sy geen kennis van vorige instruksies dra nie.”

Die DA het versoek dat die betrokke notule van die portefeuljekomiteevergadering aan Phiyega gestuur word sodat sy nie kan aanspraak maak dat sy oningelig was van die komitee se instruksies dat plaasaanvalsyfers weer in die jaarverslae aangedui moet word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

10 Kommentare

jongste oudste gewildste
Wilma Venter

Hoekom word plaasmoorde, plaas aanvalle en moorde en aanvalle SPESIFIEK op ons Blanke Volk as niksseggend/onbelangrik bestempel? Wie sorg vir mielies, graan, hawer, druiwe, uitvoer-vrugte e ek kan aangaan…die lys is baie lank. As ons Blanke boere uitgemoor, ons blanke vroue en kinders verkrag en aangerand word gaan ons ‘n tweede Zim word waar vooruitstrewende boerderye absoluit TEN GRONDE gaan, en ons PRAGTIGE Land Suid-Afrika niks meer as ‘n DIKTATORSKAP REGERENDE LAND wees nie. Wat i jammerte!!!!

Vic

Die rede hoekom dit as onbelagrik beskou word, is omdat hulle nie omgee nie. Nie ooe die kos nie en nie oor die moorde nie. Die moorde us ge- orkestreer – dit is nie per toeval nie. Zuma het gese ” kill the Boer” . Dit is wat hulle doen.

CHRISTA

Die polisiekommissaris weet nie eers wat in haar department aangaan nie. Dink julle sy sal haar steur aan die plaasmoorde. Dis mos die ANC se “motto”: “KILL THE BOER, KILL THE FARMER”. Die ANC se ondersteuners voer net sy opdragte uit. Hulle kan maar ons land se naam verander na ZIMBABWE EXENTION.

Pierre Celliers

Ons weet mos nou al die land se president en sy gevolg, die polilsie en andere lieg so, hulle glo hulleself! Waarom sal mens hulle aanvat? Niks word daardeur bereik nie!
Aanvaar dat daar nie salf aan te smeer is, met ons land en die wat in beheer is nie, daar word net teen die prikkels geskop! Gebed,is al wat vir ons oorbly!

RK

Probeer die DA nou gat kruip by die Boere volk? Hulle het in die afgelope 20 jaar nog nooit omgegee oor die moorde op die blankes nie en ek twyfel sterk of hulle nou doen.