Plaasaanvaller vermoor weduwee, steek huis aan die brand

Argieffoto: Reint Dykema

Argieffoto: Reint Dykema

ʼn Vrou is Maandagoggend tydens ʼn vermeende huisroof op haar plaas naby Theunissen in die Vrystaat vermoor, waarna haar huis met haar liggaam daarin, aan die brand gesteek is.

Volgens inligting het ʼn verbyganger Maandag omstreeks 07:00 rook uit die huis se dak sien trek en die polisie ontbied.

Sers. Ian Gaobepe, polisiewoordvoerder, het aan Maroela Media gesê inligting oor die aanval is nog skaars. “Die polisie op die toneel om die gebied vir leidrade te fynkam,” het hy gesê.

Hy kon bevestig dat die vrou, wat vermoedelik die eienaar van die plaas is, oorlede is. Dit is nog nie bekend hoe oud die slagoffer was, hoe sy vermoor is, of hoeveel verdagtes by die aanval betrokke was nie. “Die inligting sal bekendgemaak word sodra dit beskikbaar is,” het hy gesê.

Na wat verneem word, word haar wit Toyota Hilux-bakkie en vuurwapen vermis.

Die vrou is ʼn weduwee wat alleen op die plaas gebly het. Die polisie ondersoek ʼn saak van moord en huisroof.

Vrystaat Landbou het intussen die moord ten sterkste veroordeel. Tommie Esterhuyse, voorsitter van Vrystaat Landbou se Wet en Orde Komitee, het gesê die organisasie het met skok en afgryse van die voorval verneem.

Hy het die hoop uitgespreek dat die verdagtes spoedig opgespoor sal word en na behore vervolg sal word. “Die organisasie wil weereens landbouers aanmoedig om na hulle eie veiligheid om te sien asook om by veiligheidstrukture in hul omgewing in te skakel,” het Esterhuyse gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
Theresa

Al hierdie gevalle word altyd “ten sterkste veroordeel”. Dit voel net of niks vir die boere gedoen word nie. Elke dag moet jy in die koerant lees van iemand wat op sy/haar plaas aangeval, gemartel en/of vermoor word. Dis walglik en afskuwelik. Almal spring altyd regop en dan lees jy die volgende dag maar net van nog iemand wat sinneloos vermoor is. Iewers moet iets nou wragtig begin gebeur. (Dit is ook seker apartheid se skuld dat dit gebeur! Dis mos al wat die goed kan sê en nou begin die president ook die sin repeteer).

melanie

Wat word gedoen om boere en ons ander blankes tebeveilig in ‘n land waar dit deur Mandela,die EFF en Zuma gesing word “Kill a Boer,Kill a Farmer,dit word openlik aangese om dit tedoen want dit dra die regering se goedkeuring weg!

Philip

Daar word nou oopenlik teen die WIT boere van die land n vendetta gevoer, die regering van die dag stel nie belang en of beskik nie oor die nodige vermoë om ons boere en lands burgers te beskerm nie en tree jy op in sel weer word jy die krimineel. Ons kan maar net meer paraat wees en onself beskerm in n land waar die politisie nie n idee het wat aangaan. Selfs al het hulle al die leidrade is hulle onbevoeg om op te tree. Mag die uitvaagsels gou gevang word en hoop ons dat geregtigheid sal seevier.

Elizabeth

Die feit dat “niemand nog niks weet nie” (veral polisie) is verregaande! Hulle vertraag die hele proses om aanvallers aan te keer….. of word dit met opset gedoen??

Lindie Lourens

So is die barbare oral. In die skole ( veg soos honde), op die plase, oral!