Argieffoto
ʼn 19-jarige man is Maandag in die streekhof in Ladysmith, KwaZulu-Natal, gevonnis nadat hy op Valentynsdag verlede jaar ʼn bejaarde vrou in haar plaashuis verkrag en beroof het.
Maj. Thulani Zwane, polisiewoordvoerder, het Dinsdag gesê die man, Nkosingiphile Emmanuel Nkosi, is tot effektiewelik 22 jaar tronkstraf gevonnis vir ʼn plaasaanval op 14 Februarie 2014 in die Elandslaagte-gebied. Hy is skuldig bevind op aanklagte van huisbraak met die bedoeling om te verkrag en roof met verswardende omstandighede.
“Nkosi het die dag van die aanval by ʼn boer se plaas opgedaag om ʼn vragmotor te huur,” het Zwane gesê. “Die boer was nie by die huis nie en sy bejaarde vrou het hom op sy selfoon gebel. Nkosi is versoek om die volgende dag terug te keer.”
Nkosi het kos versoek voor hy sou vertrek en die vrou het dit deur die veiligheidshek aan hom gegee.
“Wetend dat die boer nie by die huis is nie, het Nkosi die geleentheid benut om ʼn gruwelike misdaad te pleeg. Hy het gemaak of hy weg loop, maar om die huis gestap en toegang tot die huis bekom deur ʼn agtervenster te breek.”
Hy het die vrou onkant in die huis betrap en haar verkrag. Hy het haar selfoon, ʼn bottel pepersproei en kontant gesteel voor hy gevlug het.
Lt.genl. Mmamonnye Ngobeni, provinsiale kommissaris, het die beamptes geloof vir puik ondersoekwerk wat die skuldigbevinding en vonnis verseker het.
is dit al?
Dis darem min straf. Skokkend!! Sulke gemors moet net een straf kry en dis die doodstraf. Nou betaal die belastingbetaler vir hom om op sy gat te gaan sit.
Is naam kom voor “Emmanuel”. Weet hy wat dit beteken?
Dit moet lees: In sy naam kom voor “Emmanuel” . Weet hy wat dit beteken?
En hy is maar 19 jaar oud? Wat gaan in so ‘n man se kop aan? As hy sy volwasse lewe so begin waar gaan dit eindig. PRYS DIE HERE hulle het hom gevang. Ek hoop net hy dien die VOLLE 22 JAAR uit en word nie na 5 jaar op parool uitgelaat, soos wat dit standaard in ons land gedoen word nie!!! Op 41 jaar behoort hy ‘n bietjie meer breins te he.