Plaasmoord: Bejaarde Vrystaat-boer doodgeskiet; gesin aangerand

Argieffoto: Reint Dykema

Argieffoto: Reint Dykema

Willie Janse van Rensburg, ʼn 72-jarige boer van Odendaalsrus in die Vrystaat, is Donderdagaand op sy plaas, Nuwejaarsbosch, doodgeskiet waarna lede van sy gesin aangerand is.

Hennie Gerber, ʼn privaat landbouveiligheidshoof, het Vrydag vanaf die toneel aan Maroela Media gesê Janse van Rensburg, sy skoondogter, vyf kleinkinders, en ʼn werktuigkundige was op die plaas toe vyf gewapende mans hulle omstreeks 20:15 oorval het.

“Janse van Rensburg het na buite gegaan om sy honde oop te maak en om die masjiene by die melkstal af te skakel toe die vyf mans hom oorval het,” het Gerber gesê. “Hy was gewapen en sy aanvallers kon daarin slaag om sy vuurwapen by hom af te neem. Hulle het hom glo drie keer geskiet en hy is op die toneel dood.”

Die aanvallers het daarna die werktuigkundige, wat naby die plaashuis in ʼn karavaan bly, aangerand en ook Janse van Rensburg se skoondogter en een van die kleinkinders erg aangerand.

Hulle het ʼn aantal selfone, vuurwapens en ʼn onbekende hoeveelheid kontant gebuit en toe met Janse van Rensburg se bakkie van die toneel gevlug. Die bakkie is later verlate opgespoor.

Die polisie en paramedici het die slagoffers ná die voorval bygestaan.

Niemand is nog in verband met die voorval in hegtenis geneem nie. Die polisie ondersoek die voorval.

Gerber het gesê dit is die 8ste plaasmoord in die provinsie hierdie jaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Dave

Gaan daar ‘n beloning uitgeloof word vir inligting om die moordenaars te identifiseer en op te spoor?

HEVW

Niyega, ons dring aan op n spoedige taakmag, konferensie en n R150,000 beloning.

Theresa

Ja en so gaan dit aan en aan en aan. So is die arme man maar net nog ‘n syfer – deel van die sinnelose en nuutelose statistiek.
Baie sterkte vir die familie en vriende. Mag die Here julle krag gee om weer op te staan.

Salnieverstaan

Dit is seker maar weer net ‘n storie in die nuus! Ek wonder of daar ‘n spesiale begrafnis gehou gaan word vir die onskuldige slagoffer. My innige simpatie met die familie

ADRI

Ja nog n plaasmoord, gaan jul nou n beloning van R250 000.00 ook gee as die aanvallers en moordenaars gevang word? Of gaan dit ook maar net nog n plaasmoord wees?

Wens jul wil wakker skrik man, ons “wit” BOERE word uitgemoor en niks word daaraan gedoen nie… moord lyk my is nou n nuwe werksgeleentheid hier in SA, waar kry mens aansoek vorms vir die poste, word aangestel om te moor en dit wat jy kan steel is jou salaris…..

NEE regtig dit raak nou erg.

Gatvol