Plaasmoord: ‘Jammer’ sal niks help nie

Bradley (Hawk) Steyn (Skermgreep uit die video)

Die 61-jarige man wat Dinsdag tydens ’n aanval op sy plaas by Nelspruit doodgeskiet is, se swaer vra in ’n emosionele YouTube-video mense wêreldwyd om hul plaaslike verteenwoordigers te versoek om druk op die Suid-Afrikaanse regering te plaas om misdaad te begin bekamp.

“Pragtig, nè? Dis my familie se plaas aan die buitewyke van Nelspruit, Mpumalanga,” begin Bradley (Hawk) Steyn die video, wat teen Saterdagaand, ’n dag nadat hy dit opgelaai het, reeds 7 000 keer gekyk is. “Dis my familie se plaas, sowat drie uur se ry vanaf ons hoofstad, Pretoria, Suid-Afrika.”

Maar dan vervolg hy: “Die werklikheid is op die oomblik vir ons baie anders. My swaer John Bosman is 72 uur gelede wreed in dié plaashuis [waarna hy wys] vermoor terwyl hy dapper teruggeveg het om my suster te beskerm, wat haarself in die huis toegesluit het terwyl die drie oortreders die woning binnegekom en my swaer geskiet het vir ’n paar elektroniese toestelle en vir suiwer plaasintimidasie.”

Maroela Media het vroeër berig Bosman, ’n 61-jarige aarbeiboer, wat ook vir homself in die boubedryf gewerk het, het Dinsdagaand omstreeks 21:00 sit en TV kyk terwyl sy vrou, Leigh (62), in die kamer besig was om reg te maak om te gaan slaap.

Die sifdeur na buite was nog oop, het Bosman se oudste seun, Steven (29), Donderdag gesê, omdat sy ouers dit altyd eers net voor slapenstyd gesluit het. Dit was waar drie rowers toegang toe die huis se leefgedeelte gekry het.

Bosman het vir sy vrou geskree om die kamerdeur te sluit en die paniekknoppie te druk. In die struweling wat gevolg het, is hy met ’n vuurwapen sowel as ’n mes gewond. Hy het op die toneel gesterf.

Bradley (Hawk) Steyn (Skermgreep uit die video)

“Ja, dis eg, dit gebeur regtig in Suid-Afrika,” sê Steyn in die video waartydens hy ’n paar keer swaar asemhaal en merkbaar bewoë raak. “Die misdaad ruk handuit. Mense kan op die oomblik nie eens hul basiese menseregte in Suid-Afrika geniet nie, en dit is veiligheid.”

Ná ’n lang stilte vervolg hy: “Duisende word vermoor – en dit moet end kry.”

Steyn, wat in Kalifornië woon, pleit by kykers van die video om iets aan die misdaad in die land te doen. “Pleks daarvan dat julle net verby hierdie video blaai of my familie jammer kry, wil ek hê julle moet asseblief ’n verskil maak,” vra hy.

“Ek wil hê jy moet jou plaaslike verteenwoordiger in die regering nader, waar jy ook in die wêreld is: Suid-Afrika, Australië, Nieu-Seeland, Engeland, Amerika … en ek wil hê julle moet almal druk plaas op die Suid-Afrikaanse regering om misdaad te bestry.

“Hulle het geen beheer oor wat hier aangaan nie,” meen hy. “Dink dus asseblief aan my familie en bid vir hulle, en almal wat gely het onder sinnelose geweld hier in Suid-Afrika.”

Steyn, ’n skrywer en veiligheidskonsultant, sê die drie aanvallers het sy swaer en suster se voertuig probeer steel, maar die gewapendereaksiemaatskappy was blitsvinnig op die toneel en het skote geskiet, waarna die drie in die rigting van die pad Barberton toe gevlug het.

Hy vra enigeen met inligting wat die polisie in hul ondersoek kan help, moet met hom kontak maak by Bradley Hawk Steyn WhatsApp VSA +1 310-927-8223, RSA +27 (0)624-096164 of [email protected] of op sy webtuiste, www.hawksteyn.com.

Klik hier as die video nie direk in jou webblaaier speel nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Johan
AW

Ons as mens en mense moet bymekaar staan. Dit gaan nie tot n einde kom tot dat ONS werklik bymekaar kom en SAAM STAAN!!!

En dit wat ons dan doen moet so gedoen word dat die regering en of enige party en of enige andermens NIE die Rasse kaart na ons sal kan gooi en of wys.

AW

Who are / is responsible to teach and empower the farmers about:

“Defensible Space”

“Situational Crime Prevention (SCP)”

“Crime Prevention Through Environmental Design (CPTED)”

When it comes to farm security??

tom

Mense die regering voel niks vir jou as mens in die land nie want hulle is die oorsaak van alles

Eish

Ekstreme aktivisme.
Ek het nog nie gehoor dat Ramaphosa verskoning vra vir sy onlangse uitlating in die VSA nie, of enigsins n verduideliking probeer gee het nie.
Ekstreme aktivisme tot sanksies realiseer.