Plaasmoord: Jong plaasbestuurder baklei glo terug

Brendin Horner (21) en sy vriendin, Lenize Taljaard. (Foto: Facebook)

ʼn Jong man het glo sy kneukels stukkend baklei teen die aanvaller of aanvallers wat hom vermoedelik Donderdagaand op ʼn plaas in die omgewing van Paul Roux in die Vrystaat oorval het.

Brendin Horner (21) se pa, Robby, en sy vriendin, Lenize Taljaard, het Vrydagoggend vroeg op sy liggaam afgekom waar dit regop teen ʼn paal op die plaas vasgemaak is. Volgens die polisie was Horner met ʼn tou om sy nek aan die paal vasgemaak.

Brendin was glo op pad terug na die plaas nadat hy by sy pa op ʼn buurplaas gaan kuier het en moes omstreeks 19:00 Donderdag reeds tuis gewees het. Teen 22:00 het Taljaard vir Robby laat weet dat Brendin egter steeds nie tuis is nie. Sy selfoon het glo direk na stempos oorgegaan.

Robby het Donderdagaand rondgery en na Brendin en die bakkie gesoek en Vrydagoggend het hy en Taljaard die soektog voortgesit.

Digby die plaashek het hulle Brendin se pet met ʼn mes daarop gesien lê. Sy liggaam is ʼn ent daarvandaan gekry en die polisie is ontbied.

Brig. Motantsi Makhele, polisiewoordvoerder in die Vrystaat, het vroeër gesê Brendin se Hilux-bakkie is verlate naby ʼn ander plaas gevind. Daar was heelwat bloedvlekke in die voertuig.

Brendin is glo etlike kere met ʼn mes gesteek en het ook ʼn kopwond gehad.

Talle boodskappe van medelye is kort ná die nuus oor die jong plaasbestuurder se moord op sosiale media geplaas.

Jakkals le Roux, voorsitter van Vrystaat Landbou se landelike veiligheidskomitee, het sy medelye met Horner se geliefdes betuig.

“Dit wat gebeur het, is baie sleg. Dit is onaanvaarbaar dat nog ʼn boer vermoor is – en die landboubedryf het die jong boere baie nodig. Dit is ʼn emosionele tyd vir almal,” het Le Roux gesê.

“Ons dink aan hierdie kind se ouers en werkgewer.”

Niemand is nog in hegtenis geneem nie en die polisie ondersoek die motief vir die moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
Androclus

Dis onaanvaarbaar om ‘n mens so dood te maak.Nee regtig julle boere moet plan maak met die regering wat nie wil erken dat dit ‘n skedule 6 oortreding )plaasmoorde) is nie.

Werner

Hiedie is hatverskeurend .Mense kry n vuurwapen of n mes as jy dan nou bie n wapen wil dra nie.Soos gesien jy kan maar jou hande stukkend slaan dit help nie

Adeline

Wel ek soek net die drie drake in “Game of Thrones” sal goed weet wat om met hulle te doen – verseker.

Juls

Die vertoon van die liggaam op daardie manier is ‘n oorlogs taktiek om vrees aan te wakker by die opponent. Moenie gebluf wees nie, oorlog is verklaar.

Danny

Totaal en al – nog ‘n sinnelose moord. Mag God ons help, want as Hy saam ons is, wie kan dan teen ons wees!
Medelye aan sy naastes en familie, dit is hartverrukkend!