Lt.kol. Hendrik Swart, woordvoerder van die polisie, het aan Maroela Media gesê die oorledene, Loy Farmer (62), was ʼn werker op die plaas Bastersput. “Na bewering is hy Vrydag deur ʼn ander plaaswerker, wat saam met hom in ʼn huisie op die plaas gebly het, doodgeslaan toe die twee rusie gemaak het,” het hy gesê.
Volgens Swart het die ander plaaswerker (28) die eienaar van die plaas in kennis gestel dat hy by die huis gekom en Farmer se bebloede liggaam op die vloer aangetref het. Bewyse het egter later aan die lig gekom dat hy vermoedelik self vir Farmer se dood verantwoordelik was en hy is Sondagoggend in hegtenis geneem.
Swart het gesê die verdagte sou Maandag in die hof verskyn op ʼn aanklag van moord.
Wat laat een ‘n ander soms koelbloedig vermoor.
Is dit regverdig dat die moordenaar moet bly lewe as hy iemand ander se lewe geneem het?
Moord bly moord. Lewens te goedkoop geword in SA. Toepaslike strawwe sonder parool.
En dan het die moordenaar nog sy regte en hy mag n prokureur ok kry regtig ons land loop oor van melk en heuning SIEK
Om te kan moor is verseker ‘n gebore instink. ‘n 28 jarige jongman met fisieke krag wat ‘n 62jarige ouman vermoor. Regtig waar is die nodige respek ongeag wat die verskille is, daar is altyd maniere tot oplossings en ‘n vergelyk. Die lewe raak boos.
Volgens my kennis is De Rust en Kenhardt baie vêr van mekaar. Kenhardt is in die Noord Kaap maar De Rust is naby Oudshoorn?
Dagsê Alwyn
Dankie vir jou navraag! Daar is wel ‘n De Rust naby Oudtshoorn, maar daar is ook ‘n klein, plattelandse gemeenskap, genaamd De Rust in die Noord-Kaap.
Groetnis
Landi nms Maroela Media