Plaasmoorde: ‘Genoeg is genoeg’, sê TLU SA

Argieffoto: Reint Dykema

TLU SA het Maandag sy kommer uitgespreek nadat daar vandeesmaand reeds vyf plaasaanvalle en een plaasmoord aangemeld is.

“Die nasionale moordsyfer van ongeveer 53 mense per dag is vir ons onaanvaarbaar. In Mei-maand alleen was daar 46 aanvalle en sewe moorde op plase. Junie het skaars begin en daar is reeds vyf aanvalle en een moord op plase en kleinhoewes,” het Henry Geldenhuys, adjunk-president van TLU SA, in ’n verklaring gesê.

Volgens Geldenhuys is dié landbou-organisasie bekommerd oor die toename van plaasaanvalle en -moorde sedert 2012. Hy is veral onrustig oor die toename van dié voorvalle ná afloop van vanjaar se verkiesing.

TLU SA het dus ’n beroep op die regering, polisie asook die nasionale vervolgingsgesag (NVG) gedoen om binne die volgende maand ʼn doeltreffende en werkbare oplossing te implementeer. “Die totale verval van wetsgehoorsaamheid in ons land kan nie langer met gevoude hande aanskou word nie,” het Geldenhuys gesê.

TLU SA se uitspraak volg kort nadat die wynboer Stefan Smit (62) van die Louiesenhof-wynlandgoed Sondag buite Stellenbosch in die Wes-Kaap vermoor is.

Smit is in sy huis doodgeskiet nadat vier gewapende mans deur ʼn oop deur toegang tot die plaashuis verkry het.

Agri Wes-Kaap het ná die moord op Smit ook sy stem dik gemaak. “Agri Wes-Kaap versoek pres. Cyril Ramaphosa om sy uitsprake op Dinsdag 9 April by Beyerskloof naby Stellenbosch te verduidelik toe hy gesê het wit landbouers het ʼn toekoms in die land en dat hy wil verhoed dat hulle die land verlaat.

“Agri Wes-Kaap wil ook by mnr. Ramaphosa weet hoe ʼn organisasie soos Agri Wes-Kaap produsente moet aanmoedig om in ʼn land te bly waar hulle en hulle plaaswerkers se lewe elke dag bedreig word.”

TLU SA het boere en plaaswerkers gemaan om hul veiligheid op te skerp asook diegene betrokke by landelike veiligheid versoek om druk op die regering uit te oefen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
Diefie

Die regering gee nie eers om vir hul eie mense wat vermoor word nie, waar sal hulle nou omgee as ons boere uitgemoor word nie.

Piet

Die staat borg die plaasmoorde…. Ondersoeke is gedoen op mislukte aanvalle op plase en signal jammers en hoogs moderne wapens word gevind.. Wie verskaf aan hulle daai tegnologie… Die boere moet begin om hulle self met geweld te verdedig. As dit nie al telaat is nie..

Emma

Net soos die bendes wat n skrik bewind voer so wil hulle ons boere dreig en vermoor. My hart gaan aan elkeen wat sy lewe verloor het op so n wreedaardige manier. Daar moet iets wees wat gedoen moet word .

Abel Gouws.

Ek glo nie sie reg gestem kaart sou hier werk nie.Wie sou in elk geval die regte party wees.Saamstaan is wat ons moet doen.En nie soos hier berig word die maand nie,maar dadelik.Ek weet self nie wat die plan van aksie moet wees nie, maar dit moet begin.

jAN

plaas moorde………trokbrande…….dit sal nie tot n einde kom , vergaderings word gehou president en ministers sit met mond vol tande .trokke in konfooi moet begelei word deur sekuriteits maatskappy voor en agter.talk is cheap and money bys the whiskey